రేంజికి తగిన రెమ్యూనరేషన్ ఇవ్వాలంటున్న దీపిక పదుకోన్!

నా ట్రాక్ రికార్డ్... నా విలువ ఏమిటో తెలుసు

నా ట్రాక్ రికార్డ్ ఏమిటో... నా విలువ ఏమిటో నాకు తెలుసు. నా కో-స్టార్స్ సినిమాలు ఎలా నడుస్తున్నాయి. నా సినిమాలు ఎలా నడుస్తున్నాయి అనే దానిపై నాకు అవగాహన ఉంది. నా స్థాయికి తగిన విధంగా రెమ్యూనరేషన్ ఇవ్వకపోతే ఆ సినిమాలను వదులుకోవడానికి కూడా సిద్దమే అని దీపిక తెలిపారు.

తక్కువ రెమ్యూనరేషన్ ఆఫర్ చేస్తే ఒప్పుకోను

నేను ఏ సినిమా చేసినా, అందులో ఏ హీరో నటించినా... ఎవరి స్థాయికి తగిన విధంగా వారికి రెమ్యూనరేషన్ అందాలని కోరుకుంటాను. నా స్థాయికి తగిన విధంగా రెమ్యూనరేషన్ ఇవ్వకపోతే వాటిని వదులుకోవడానికి కూడా వెనకాడను అన్నారు.

అసంతృప్తితో చేయను

మనసులో అసంతృప్తి ఉంటే... రాత్రి ప్రశాంతంగా నిద్రపోలేము. అందుకే ఈ విషయంలో ఎలాంటి స్టెప్స్ తీసుకోవడానికైనా తాను సిద్ధమే అని దీపిక స్పష్టం చేశారు.

బ్యాడ్మింటన్ వదిలి అందుకే యాక్టింగ్ వైపు

మా నాన్న ప్రొఫెషనల్ బ్యాడ్మింట్ ప్లేయర్ అయినప్పటికీ మీరు నటనను వృత్తిగా ఎంచుకోవడానికి కారణం ఏమిటనే ప్రశ్నకు దీపిక స్పందిస్తూ... ‘నేను కూడా మా నాన్నలాగే ప్రొఫెషనల్ బ్యాడ్మింటన్ ఆడటం మొదలు పెట్టాను. కానీ నేను కోరుకున్నది ఇది కాదు అని టీనేజ్‌లోనే రియలైజ్ అయ్యాను. తర్వాత మోడలింగ్, నటన వైపు ప్రయాణం మొదలు పెట్టాను' అని తెలిపారు.