వాళ్లు నాతో ఆ పనులు చేయించారు.. అందుకే పెదవి విప్పలేదు: భయంకర నిజాలు చెప్పిన ప్రియాంక చోప్రా

చిన్న వయసులోనే ప్రపంచ సుందరిగా

సినిమాల్లోకి రావాలన్న లక్ష్యంతో మోడల్‌గా కెరీర్‌ను మొదలు పెట్టింది ప్రియాంక చోప్రా. అలా చాలా షోలలో క్యాట్ వాక్ చేసిన ఈ అమ్మడు 2000లో జరిగిన అందాల పోటీల్లో మిస్ వరల్డ్ కిరీటాన్ని అందుకుంది. ఆ తర్వాత హీరోయిన్‌గా మారిన ఆమె.. అప్పటి నుంచి ఎన్నో ఏళ్లుగా అన్ని భాషల్లో నటిస్తూ తన హవాను చూపిస్తోంది. దీంతో ఎన్నో అవార్డులు, రివార్డులు అందుకుంది కూడా.

హాలీవుడ్ ఎంట్రీ.. సింగర్‌తో ప్రేమ.. పెళ్లి

సుదీర్ఘమైన కెరీర్‌లో ఎన్నో భాషల్లో నటించి మెప్పించిన ప్రియాంక.. ఇండియాలో బెస్ట్ హీరోయిన్‌గా కితాబందుకుంది. ఇక్కడ తన మార్క్ చూపించిన ఈ భామ.. హాలీవుడ్‌లోకి సైతం ప్రవేశించింది. ఆ సమయంలోనే అమెరికాకు చెందిన పాప్ సింగర్ నిక్ జోనస్‌తో ప్రేమలో పడింది. వయసులో చిన్నోడే అయినా రహస్యంగా డేటింగ్ చేసింది. ఆ తర్వాత నిక్‌ జోనస్‌ను వివాహం చేసుకుంది.

పూర్తిగా మారిన ప్రియాంక.. విమర్శలు

హాలీవుడ్‌లోకి ఎంట్రీ ఇవ్వడంతో పాటు నిక్‌ జోనస్‌ను వివాహం చేసుకున్న తర్వాత ప్రియాంక చోప్రా ప్రవర్తనలో పూర్తిగా మార్పులు వచ్చాయి. అందాలు కనువిందు చేసేలా డ్రెస్‌లు వేసుకోవడంతో పాటు డ్రింకింగ్ పార్టీలు వంటి చేస్తూ కనిపించింది. అలాగే సిగరెట్ స్మోకింగ్ కూడా అలవాటు చేసుకుంది. దీనికి సంబంధించిన ఫొటోలు కూడా అప్పట్లో వైరల్‌గా మారడంతో విమర్శలు వచ్చాయి.

‘అన్‌ఫినీష్‌డ్'తో ప్రకంపనలు రేపిందిగా

ప్రియాంక చోప్రా ఇటీవల 'అన్‌ఫినీష్‌డ్' పేరుతో పుస్తక రూపంలో తన ఆత్మకథను మార్కెట్‌లోకి తీసుకువచ్చిన విషయం తెలిసిందే. కెరీర్ ఆరంభంలో తాను ఎదుర్కొన్న ఎన్నో అంశాలను అందులో ప్రస్తావించిందామె. కొందరు దర్శక నిర్మాతలు తనతో అసభ్యంగా ప్రవర్తించారని, బట్టలు తీసి చూపించమన్నారని, సర్జరీలు చేయించుకోమన్నారని సంచలన ఆరోపణలు చేసింది ప్రియాంక.

ప్రియాంక వ్యాఖ్యలతో షాక్‌లో బాలీవుడ్‌

ఆ ఆత్మకథలో ప్రియాంక చోప్రా చాలా మంది దర్శకులు, నిర్మాతల బండారాలు బయట పెట్టింది. దీంతో బాలీవుడ్‌లో ఒక్కసారిగా ప్రకంపణలు రేగాయి. అప్పటి నుంచి ఈ హీరోయిన్ తరచూ ట్రెండ్ అవుతూనే ఉంది. దీంతో ప్రియాంకను ఇబ్బందులకు గురి చేసిన దర్శక నిర్మాతలు వీళ్లనంటూ పలువురి పేర్లు ప్రచారం అయ్యాయి. అదే సమయంలో ఆమె ఆరోపణలపై అనుమానాలు వచ్చాయి.

భయంకర నిజాలు చెప్పిన ప్రియాంక చోప్రా

తాజాగా ఓ ఇంటర్వ్యూలో పాల్గొన్న ప్రియాంకకు 'ఆత్మకథలో రాసిన అంశాలను అప్పట్లోనే ఎందుకు బయట పెట్టలేదు' అన్న ప్రశ్న ఎదురైంది. దీనికి 'అప్పుడు ఎన్ని ఇబ్బందులు ఎదురైనా పెదవి విప్పి చెప్పలేదు. ఎందుకలా చేశానంటే.. నాకెన్నో భయాలున్నాయి. నాలో అభద్రతాభావం ఎక్కువగా ఉండేది' అని చెప్పింది. అంటే అప్పట్లో ఆమెను బెదిరించేవారని పరోక్షంగా బయటపెట్టిందామె.