దయనీయ స్థితిలో హీరోయిన్: టీబీ వ్యాధి బారిన పడి, వైద్యానికి డబ్బుల్లేక....

ముంబైలోని ఆసుపత్రిలో దయనీయంగా

పూజా దద్వాల్ 15 రోజులుగా ముంబైలోని శివ్డి ఆసుపత్రిలో అడ్మిట్ అయింది. ఆసుపత్రి బిల్స్ కట్టడానికి తనకు ఎవరైనా సహాయం చేయాలని ఆమె మీడియా ద్వారా వేడుకుంటోంది.

భర్త, బంధువులు దూరం పెట్టారు

పూజా దద్వాల్ టీబీ వ్యాధితో బాధ పడుతోందనే విషయం తెలిసి ఆమె భర్త, అత్తమామలతో పాటు ఇతర బంధువులు ఆమె దూరం పెట్టారట.

పూజా ఆరోగ్య పరిస్థితి ఎలా ఉందంటే

ప్రస్తుతం పూజా దద్వాల్ ఆరోగ్య పరిస్థితి సీరియస్ గా ఉందని, రోజు రోజుకు ఆమె ఆరోగ్యం క్షీణిస్తోందని, ఆమెకు సరైన వైద్యం అందకపోతే పరిస్థితి మరింత విషమించే అవకాశం ఉందని అంటున్నారు.

సల్మాన్ ఖాన్ సహాయం కోసం

తన వైద్య ఖర్చులకు సల్మాన్ ఖాన్ సహాయం కోసం ప్రయత్నించానని, అయితే తన పరిస్థితి గురించి ఇంకా సల్మాన్‌కు తెలిసిందో లేదో అని ఆమె అన్నారు.

అవకాశాలు లేక క్యాసినో మేనేజ్మెంట్

సినిమాల్లో అవకావాలు లేక పోవడంతో ఇండస్ట్రీని వదిలిపెట్టిన పూజా కొన్ని సంవత్సరాలుగా గోవాలో క్యాసినో మేనేజ్మెంట్ చేస్తూ సాధారణ జీవితం గడుపుతున్నారు. ఆర్థికంగా కష్టాలు ఎదుర్కొంటూనే జీవనం సాగిస్తున్నారు.

ఆపన్న హస్తం కోసం ఎదురు చూపులు

ప్రస్తుతం పూజా దద్వాల్ తనకు సహాయం చేసే ఆపన్న హస్తం కోసం ఎదురు చూస్తోంది. సల్మాన్ ఖాన్ లేదా ఇతర బాలీవుడ్ ప్రముఖులెవరైనా ఆమె ఆరోగ్య పరిస్థితి విషయమించక ముందు సహాయం చేసి ఆదుకుంటారని ఆశిద్దాం.