తల్లిదండ్రులైన మరో బాలీవుడ్ సినీ జంట

ప్రస్తుతం బాలీవుడ్లో వెడ్డింగ్ సీజన్, బేబీస్ సీజన్ నడుస్తున్నట్లు ఉంది. ఇటీవలే నేహా ధూపియా-అంగద్ బేడీ దంపతులు ఆడ బిడ్డకు జన్మనిచ్చిన సంగతి తెలిసిందే. తమ ముద్దుల కూతురికి మెహర్ ధూపియా బేడీ అని పేరు పెట్టారు. సానియా మీర్జా, షోయబ్ మాలిక్ దంతపులు సైతం అక్టోబర్ 30 మగబిడ్డకు జన్మనిచ్చారు.

తాజాగా ఈ లిస్టులో మరో సినీ జంట కూడా చేరిపోయారు. బాలీవుడ్ నటి ఉదితా గోస్వామి బుధవారం మగ బిడ్డకు జన్మనిచ్చింది. సోషల్ మీడియా ద్వారా ఆమె ఈ విషయాన్ని అభిమానులతో పంచుకున్నారు. ఉదితా గోస్వామి బాలీవుడ్ దర్శకుడు మోహిత్ సూరిని పెళ్లాడిన సంగతి తెలిసిందే.

మోహిత్ సూరి దర్శకత్వంలో 2005లో వచ్చిన జహెర్ సినిమాలో నటించిన ఉదితా గోస్వామి ఆ సమయంలోనే అతడితో ప్రేమలో పడ్డారు. కొంతకాలం సహజీవనం చేసిన ఈ ఇద్దరూ. 2013లో వివాహం చేసుకున్నారు.

పెళ్లికి ఒక సంవత్సరం ముందే ఉదితా గోస్వామి సినిమాలకు దూరం అయ్యారు. ఆమె చివరగా 'డైరీ ఆఫ్ బటర్‌ప్లై' సినిమాలో నటించారు. ఉదితా గోస్వామి-మోహిత్ సూరి దంపతులకు ఇద్దరు పిల్లలు.