ప్లేస్ నువ్వే చెప్పు.. ఎక్కడికంటే అక్కడికి వస్తా... కంగన రనౌత్‌కు ఊర్మిళ దిమ్మతిరిగే షాక్

3 కోట్ల విలువైన బంగ్లా కొనుగోలు

ఇటీవల ముంబైలో 3 కోట్ల విలువైన బంగ్లాను కొత్త ఆఫీస్ కోసం ఊర్మిల కొనుగోలు చేయడం చర్చనీయాంశమైంది. శివసేనలో చేరిన తర్వాత 3 కోట్ల రూపాయల విలువైన ఇంటిని కొనుగోలు చేశావనే విధంగా కంగన తన వాదనను వినిపించింది. ఆ క్రమంలో ఊర్మిలను ఉద్దేశించి కంగన రనౌత్ ట్వీట్ చేసింది.

నీలాగా ఖుషీ చేసినట్లయితే

కంగన రనౌత్ ట్వీట్ చేస్తూ.. ఊర్మిళ గారు.. నా కష్టార్జితంతో సంపాదించిన ఇంటిని కాంగ్రెస్ పార్టీ కూలగొట్టే ప్రయత్నం చేస్తున్నది. బీజేపీ వైపు ఉండటం వల్ల నేను సుమారు 30 కేసులను ఎదుర్కోవాల్సి వస్తున్నది. నేను కూడా మీ మాదిరిగా కాంగ్రెస్‌ను ఖుషీ చేసినట్లయితే.. నాకు లబ్ది చేకూరేది. నేను ఎంత చెత్తగా ఆలోచిస్తున్నానో అర్ధం కావడం లేదు. అంటూ కంగన ట్వీట్ చేసింది.

నా ఆస్తుల డాక్యుమెంట్లు పట్టుకొని వస్తాను..

కంగన చేసిన ట్వీట్‌పై ఊర్మిళ ఘాటుగా స్పందిస్తూ.. నీ ఇష్టప్రకారం.. నీకు నచ్చిన చోట మీటింగ్ ఏర్పాటు చేయి. ఆఫీస్‌కు సంబంధించిన డాక్యుమెంట్లు పట్టుకొని వస్తాను. వాటికి సంబంధించిన ఆధారాలు పక్కగా నీ ముందు ఉంచుతాను. 25 ఏళ్లు ఇండస్ట్రీలో కష్టపడి 2011లో ఆ ఇంటిని కొనుగోలు చేశాను. మార్చిలో నా ఆస్తిని అమ్మడం ద్వారా వచ్చిన మొత్తంతో ఆఫీస్ కోసం భవనాన్ని కొనుగోలు చేశాను. నేను రాజకీయాల్లోకి రాకముందే సంపాదించాను అంటూ ఊర్మిళ ఓ వీడియోను రిలీజ్ చేశారు.

Kangana Asks Ganesha For Blessings ||నేను దేవుడి తో బేరం ఆడతా : కంగనా

డ్రగ్స్ జాబితా బయటపెట్టు అంటూ ఊర్మిల సవాల్

అంతకాకుండా ప్రజలు కట్టిన కోట్లాది పన్నుల ద్వారా నీవు వై క్యాటగిరీ భద్రతను ఎంజాయ్ చేస్తున్నావు. అలాగే బాలీవుడ్‌లో డ్రగ్స్ మాఫియాతో సంబంధాలున్నాయనే జాబితా తన వద్ద ఉన్నదని చెప్పింది. ఆ జాబితాను వెంటనే బయటపెట్టాలి. వీడియో ద్వారా నేను వేస్తున్న ప్రశ్నలకు కంగన రనౌత్ నుంచి సమాధానం కోసం వేచి చూస్తుంటాను అని ఊర్మిళ ఘాటుగా స్పందించింది.