ఘనంగా హీరో వరుణ్ వివాహం: సీసీ కెమెరాలు తీసేసి మరీ రహస్యంగా.. ఆయన మాత్రమే వచ్చాడు!

Recommended Video

Varun Dhawan , Natasha Dalal Tie The Knot In Alibaug | Filmibeat Telugu

సినిమాల్లోకి రాకముందే ప్రేమ

ప్రస్తుతం బాలీవుడ్‌లోని స్టార్ హీరోల్లో వరుణ్ ధావన్ ఒకడు. కొన్నేళ్లుగా అతడు వరుస విజయాలతో దూసుకుపోతోన్నాడు. ఇదిలా ఉండగా, అతడు సినిమాల్లోకి రాకముందు నుంచే చిన్ననాటి స్నేహితురాలైన నటాషా దలాల్‌తో ప్రేమాయణం సాగిస్తున్నాడు. ఆమె ముంబైలో ఫ్యాషన్ డిజైనర్‌గా పని చేస్తోంది. వరుణ్ చేసిన చాలా సినిమాలకు కాస్ట్యూమ్ డిజైనర్‌గానూ వ్యవహరించింది.

రెండు రోజుల పాటు సందడిగా

తన ప్రియురాలు నటాషా దలాల్‌తో ప్రేమాయణం సాగిస్తున్నట్లు వరుణ్ ధావన్ డైరెక్టుగా ప్రకటించలేదు. కానీ, అప్పుడప్పుడు కలిసి కనిపిస్తుండడంతో వీళ్లిద్దరూ పెళ్లి పీటలెక్కబోతున్నారని బీ టౌన్‌లో ప్రచారం జరిగింది. ఈ నేపథ్యంలోనే తాజాగా వీళ్ల పెళ్లి మేటర్ బయటకు వచ్చింది. ఈ నేపథ్యంలోనే ముంబైలోని మ్యాన్షన్ హౌస్ అనే హోటల్‌లో రెండు రోజులు వీళ్ల పెళ్లి పనులు జరిగాయి.

రాత్రి ఘనంగా జరిగిన వివాహం

బాలీవుడ్ స్టార్ హీరో వరుణ్ ధావన్ - నటాషా దలాల్‌ పెళ్లి ఆదివారం రాత్రి ఘనంగా జరిగింది. హిందూ సంప్రదాయం ప్రకారమే ఈ పెళ్లి జరిగింది. ఇందులో భాగంగానే పెద్దలు ఖరారు చేసిన ముహూర్తానికి హీరో తన ప్రియురాలి మెడలో మూడు ముళ్లు వేశాడు. ఈ వేడుకకు ముంబై నగరంలోని మ్యాన్షన్ హౌస్ అనే హోటల్‌ వేదికైంది. కొత్త జంటను సినీ ప్రముఖులంతా విష్ చేస్తున్నారు.

ఇండస్ట్రీ నుంచి ఒక్కరు.. వాళ్లు

కరోనా నేపథ్యంలో వరుణ్ ధావన్ - నటాషా దలాల్‌ పెళ్లి కేవలం 50 మంది అతిథుల సమక్ష్యంలోనే జరిగింది. దీనికి ఇరు కుటుంబాలకు చెందిన బంధువులతో పాటు ఒకరిద్దరు గెస్టులు వచ్చారు. ఇక, బాలీవుడ్ నుంచి దర్శక నిర్మాత కరణ్ జోహార్ మాత్రమే ఈ పెళ్లికి హాజరయ్యారు. ఇక, హీరో స్నేహితులు దీపిక పదుకొనే, నేహా దూపియా తదితరులు లైవ్‌లో దీన్ని వీక్షించారు.

సీసీ కెమెరాలు తీసేసి రహస్యంగా

ఇక, వరుణ్ ధావన్ - నటాషా దలాల్‌ పెళ్లి అత్యంత రహస్యంగా జరిగింది. పెళ్లికి హాజరైన వాళ్లెవరూ తమ ఫోన్లను తీసుకు రావద్దని ముందు చెప్పారు. అందుకు అనుగుణంగానే ఎవరూ తమ మొబైళ్లను లోపలికి తీసుకెళ్లలేదు. అలాగే, ఈ వేడుక కోసం హోటల్‌లోని సీసీ కెమెరాలను కూడా ఆఫ్ చేసేశారు. ఈ పెళ్లి ఇంత రహస్యంగా చేయడంపై పలు కామెంట్లు వినిపిస్తున్నాయి.