విద్యాబాలన్ సినిమా.. పర్మిషన్ కోసం అడిగితే రాత్రికి సెట్ చేయమని కండిషన్

బాలీవుడ్ లోనే కాకుండా..

బాలీవుడ్ ఇండస్ట్రీలో సీనియర్ నటిమణుల్లో ఒకరైన విద్యా బాలన్ ప్రస్తుతం తనకు సెట్టయ్యే సినిమాలను ఎంచుకుంటూ ఒక ప్రత్యేకమైన క్రేజ్ ని క్రియేట్ చేసుకుంది. కేవలం బాలీవుడ్ లోనే కాకుండా ఇతర ఇండస్ట్రీలలో కూడా మంచి అవకాశాలు వస్తే మొహమాటం లేకుండా నటిస్తోంది. వీలైనంత వరకు ప్రయోగాత్మక కథలలలోనే నటిస్తోంది ఈ సీనియర్ నటి. ఒక విదంగా ఆమె హీరోయిన్ గా ఉన్నప్పటికీ కంటే ఇప్పుడే ఎక్కువ రేంజ్ లో పారితోషికాన్ని కూడా అందుకుంటోంది.

విద్యా బాలన్ సినిమాకు పర్మిషన్ క్యాన్సిల్

ఇక ఆమె ప్రస్తుతం షేర్ని అనే సినిమా చేస్తోంది. ఈ సినిమాలో కూడా విద్యా బాలన్ నెవర్ బిఫోర్ అనే పాత్రలో కనిపించనుందట. ఆమె ఆ సినిమాలో ఒక ఫారెస్ట్ ఆఫీసర్ గా కనిపించబోతోంది. పూర్తిగా అడవుల సంక్షేమానికి సంబంధించిన పాయింట్ తోనే సినిమాను రూపొందిస్తున్నారట. ఇక మధ్యప్రదేశ్ అడవులలో సినిమా షూటింగ్ కోసం కొన్ని లొకేషన్స్ ని కూడా సెలెక్ట్ చేసుకోగా చివరి నిమిషంలో పర్మిషన్ ను క్యాన్సిల్ చేశారని టాక్ వచ్చింది.

డిన్నర్ సెట్ చేస్తేనే షూటింగ్ కు అనుమతి

అయితే సినిమా షూటింగ్ కోసం మధ్యప్రదేశ్ అటవీ శాఖ మంత్రిని విజయ్ షాను కలిశారు చిత్ర నిర్మాతలు. అందుకు ఆయన కూడా ఒప్పుకున్నారట. కానీ అందులో ఒక కండిషన్ పెట్టినట్లు రూమర్స్ వచ్చాయి. నటిమణి విద్యా బలన్ కు అలాగే తనకు నైట్ డిన్నర్ ప్లాన్ చేయాలని చెప్పారట. ఇది ఎంతవరకు నిజమో అనే విషయంలో క్లారిటీ రాకముందే ఆ వార్త సోషల్ మీడియాలో చాలానే వైరల్ అయ్యింది.

కావాలనే అలా చేశారట

అలాగే చిత్ర యూనిట్ నుంచి ఎలాంటి సమాధానం రాకపోవడంతో కావాలనే. క్యాన్సిల్ చేయించారని కూడా కామెంట్స్ వచ్చాయి. విద్యా బాలన్ కూడా ఆ విషయంలో సీరియస్ అయినట్లు కథనాలు వెలువడుతున్నాయి. ఇక ఫైనల్ గా మంత్రి విజయ్ షా ఆ రూమర్స్ అబద్దాలని కొట్టి పారేశారు. అసలు విషయం ఇదేనని ఒక వివరణ ఇచ్చారు.

వాళ్లే నన్ను రమ్మన్నారు.. మంత్రి రివర్స్ కౌంటర్

అందులో ఎలాంటి నిజం లేదు. చిత్ర యూనిట్ సభ్యులే నన్ను విందుకు పిలిచారు. కానీ నేను బిజీగా ఉండడం వలన అది కుదరలేదు. విద్యా బాలన్ ను డిన్నర్ కు పిలిచినట్లు వస్తున్న వార్తలు పూర్తిగా అవాస్తవం అంటూ.. మంత్రి ధీమాగా వివరణ ఇచ్చారు. అయితే ఈ రూమర్స్ గురించి చిత్ర యూనిస్ సభ్యులు పెద్దగా వివరణ ఇవ్వకపోవడం గమనార్హం. మరీ విద్యా బాలన్ ఎలాంటి వివరణ ఇస్తుందో చూడాలి.