కలెక్షన్ల ప్రభంజనం: 2.0 అక్కడ చరిత్ర సృష్టించబోతోందా?

2.0 కన్నడలో చరిత్ర సృష్టించబోతోందా?

కన్నడనాట ఫుల్‌రన్ పూర్తయ్యే సమయానికి 2.0 టోటల్ వసూళ్లు రూ. 50 కోట్లకు చేరుకుంటాయని అంచనా వేస్తున్నారు. అదే జరిగితే రజనీకాంత్ చిత్రాల్లో కర్నాటకలో అత్యధిక వసూళ్లు సాధించిన మూవీగా ఈ చిత్రం సరికొత్త చరిత్ర సృష్టించడం ఖాయం.

యూఎస్ఏ కలెక్షన్స్

ఇక యూఎస్ఏలో 2.0 మూవీ 15 రోజల టోటల్ కలెక్షన్స్ $5,224,282. ఇప్పటికీ ఈ చిత్రం అక్కడ 200 లొకేషన్లలో ప్రదర్శిస్తున్నారు. ఈ వీకెండ్ వసూళ్లు పెరుగుతాయని అంచనా వేస్తున్నారు. ఫుల్ రన్‌లో 6 మిలియన్ మార్క్ అందుకోవచ్చని అంచనా.

3వ స్థానంతో సరిపెట్టుకోవాల్సిందే

యూఎస్ఏ బాక్సాఫీసు వద్ద ఇండియన్ సినిమాల వసూళ్లు పరిశీలిస్తే బాహుబలి 2 మొత్తం 20.5 మిలియన్ డాలర్ల వసూళ్లతో మొదటి స్థానంలో ఉండగా, బాహుబలి మొదటి భాగం 6.99 వసూళ్లతో రెండో స్థానంలో ఉంది. అయితే 2.0 చిత్రం ఈ వసూళ్లను అందుకునే అవకాశం కనిపించడం లేదు.

ప్రపంచ వ్యాప్తంగా

2.0 మూవీ వరల్డ్ వైడ్ కలెక్షన్స్ 15 రోజుల్లో రూ. 710 కోట్లు రాబట్టింది. అయితే త్వరలో చైనాలో ఈ చిత్రాన్ని 56వేల స్క్రీన్లలో విడుదల చేస్తున్న నేపథ్యంలో ఎలాంటి రికార్డులు క్రియేట్ చేస్తుందో అని అంతా ఆసక్తిగా ఎదురు చూస్తున్నారు.