హోమ్

బాక్సాఫీస్

హైదరాబాద్: సూపర్ స్టార్ రజినీకాంత్ నటించిన కబాలి భారీ అంచనాల మధ్య ప్రేక్షకుల ముందుకు వచ్చింది. అయితే మార్నింగ్ షోకే ఫ్లాఫ్ టాక్ తెచ్చుకుంది. రజనీకు మంచి మార్కెట్ ఉన్ తమిళ్ అంతో ఇంతో పర్లేదనిపించిన ఈ సినిమా.. తెలుగులో మాత్రం పూర్తిగా నిరాశ పరిచింది.

పబ్లిసిటీ మాయ.. అడ్వాన్స్ బుకింగ్ ల హంగామా, మీడియా సహకారంతో తో మొదటి వీకెండ్ స్ట్రాంగ్ గా కనిపించిన ఈ చిత్రానికి.. ఆ తర్వాత మాత్రం వసూళ్లు దారుణంగా పడిపోయాయి. ఇప్పుడు కబాలి ఫుల్ రన్ పూర్తయిపోయింది. అన్ని ఏరియాల్లోనూ కబాలి కథ కంప్లీట్ అయిపోయి..అసలు ఎంత నష్ఠపోయిందో బయిటకు వచ్చేసింది.

ట్రేడ్ వర్గాల నుంచి అందుతున్న సమాచారం ప్రకారం...ఫుల్ రన్ లో కబాలి తెలుగు వెర్షన్ కి వచ్చిన వసూళ్లు 23.53 కోట్ల రూపాయలు. ఓ డబ్బింగ్ సినిమాకి ఈ స్దాయి కలెక్షన్స్ బాగానే వచ్చినట్లు అనిపించినా .. డిస్ట్రిబ్యూటర్లకు అమ్మిన రేట్ల ప్రకారం చూస్తే ఇది పక్కా లాస్ వెంచర్ అని అర్ధమైపోతుంది.

ఈ చిత్రాన్ని డిస్ట్రిబ్యూటర్ అక్షరాల రూ.32 కోట్లకు కొనుగోలు చేశాడు. ఈ చిత్రంపై నెలకొన్న అంచనాల నేపధ్యంలో. రూ.50 కోట్ల క్లబ్ లో చేరుతుందన్న నమ్మకంతో ఆయన అంతమొత్తం పెట్టి తెలుగు హక్కుల్ని తీసుకున్నాడు.

అయితే. ఈ చిత్రంపై నెగెటివ్ టాక్ రావడంతో కలెక్షన్స్ ఆశించిన స్థాయిలో రాలేదు. టోటల్ రన్లో అయిన పెట్టిన పెట్టుబడి వస్తుందని భావించారు. కానీ. చివరికి డిస్ట్రిబ్యూటర్ కు భారీ నష్టాలే మిగిలాయి. ట్రేడ్ వర్గాల లెక్కల ప్రకారం. ఈ చిత్రం టోటల్ రన్లో రూ.23.53 కోట్లే కలెక్ట్ చేసింది. ఈ లెక్కన పంపిణీదారుడికి రూ.8.47 కోట్ల నష్టం వాటిల్లిందన్నమాట.

రజినీకాంత్ గత రెండు చిత్రాలు కొచ్చాడయాన్ - లింగాలకు.. కబాలి కలిపి డిజాస్టర్ల హ్యాట్రిక్ పూర్తయిపోయింది. డిస్ట్రిబ్యూటర్లను మరోసారి రజినీ మూవీ ముంచేసింది. ఈ సినిమాలో తమిళ వాసన ఎక్కువగా ఉండడం, తెలుగు ఆడియన్స్ కావాల్సిన ఎలిమెంట్స్ ఏమాత్రం లేకపోవడం, పైగా కథలో కొత్తదనం ఏమీ లేకపోవడం. వంటి కారణాల వల్ల ఈ మూవీ డిజాస్టర్ గా నిలిచిందని ట్రేడ్ నిపుణులు పేర్కొంటున్నారు.

ఏరియాలవారీగా 'కబాలి" తెలుగు టోటల్ కలెక్షన్స్ :

నైజాం : 9.20
సీడెడ్: 3.60
వైజాగ్ : 2.30
గుంటూరు : 1.95
ఈస్ట్ గోదావరి : 1.85
కృష్ణా : 1.48
వెస్ట్ గోదావరి : 1.40
నెలూరు : 0.75

టోటల్ ఏపీ+తెలంగాణ : రూ. 22.53 కోట్లు