ఆ ఏరియాల్లో నాన్ బాహుబలి.. అల్లు అర్జున్ ‘అల’ ఆల్ టైమ్

రెండు తెలుగు రాష్ట్రాల్లో..

అల వైకుంఠపురములో చిత్రం రెండు తెలుగు రాష్ట్రాలో కొత్త కొత్త రికార్డులను క్రియేట్ చేస్తోంది. ఇప్పటికే నాన్ బాహుబలి రికార్డులను క్రియేట్ చేస్తూ.. వేటాడేస్తోంది. దాదాపు 160కోట్ల షేర్‌ను కొల్లగొట్టి అందర్నీ ఆశ్చర్యపరిచింది. సినిమా విడుదలై 25 రోజులు అయినా వసూళ్లలో ఏమాత్రం డ్రాపవుట్ కనిపించడం లేదు.

ఓవర్సీస్‌లోనూ రికార్డులు..

మిలియన్ డాలర్ల క్లబ్‌లో మాత్రమే చేరిన బన్నీకి.. అల వైకుంఠపురములో ద్వారా నాన్ బాహుబలి రికార్డు దక్కింది. ఇంత వరకు ఆ రికార్డు రామ్ చరణ్ రంగస్థలం పేరిట ఉంది. లాంగ్ రన్‌లో రంగస్థలం 3.52మిలియన్ డాలర్లను కలెక్ట్ చేయగా.. ఆ వసూళ్లను అల ఎప్పుడో దాటేసింది.

గ్రాండ్ పార్టీలు..

ఇలా అల వైకుంఠపురములో గ్రాండ్ సక్సెస్ కావడం, ఇండస్ట్రీ హిట్‌గా నిలవడంతో బన్నీ ఆనందానికి హద్దుల్లేకుండా పోయాయని తెలుస్తోంది. ఈ క్రమంలోనే టాలీవుడ్ ప్రొడ్యూసర్స్ అండ్ డైరెక్టర్స్‌కు ఓ గ్రాండ్ పార్టీ ఇచ్చాడు. ఈ వేడుకలో దాదాపు తెలుగు దర్శకులందరూ పార్టిసిపేట్ చేశారు.

తాజాగా మరో పోస్టర్..

అల వైకుంఠపురములో సృష్టిస్తున్న రికార్డులు ఇప్పట్లో ఆగేలా లేవు. తాజాగా ఈ మూవీ యూనిట్ ఓ పోస్టర్‌ను రిలీజ్ చేసింది. విశాఖ, కృష్ణా, నైజాం, గుంటూరు, ఈస్ట్, వెస్ట్, సీడెడ్, నెల్లూరు, ఓవర్సీస్‌లో నాన్ బాహుబలి రికార్డులు కొట్టేశామంటూ 25 రోజుల పోస్టర్‌ను వేసింది.