Waltair Veerayya Day 4 Collections: కొనసాగుతోన్న చిరు మేనియా.. కానీ, నాలుగో రోజు వసూళ్లు ఇలా!

ప్రీరిలీజ్ బిజినెస్ వివరాలు..

చాలా కాలం తర్వాత మాస్ మసాల సినిమాతో అదరగొట్టారు చిరంజీవి. వింటేజ్ లుక్ తో ఆకట్టుకున్న చిరు లేటెస్ట్ సినిమా వాల్తేరు వీరయ్య తెలుగు, హిందీ వెర్షన్ లలో విడుదలైంది. దీంతో ఈ సినిమాకు ప్రీరిలీజ్ బిజినెస్ బాగానే జరిగింది.

ఏపీ, తెలంగాణలో కలుపుకుని నైజాంలో రూ. 18 కోట్లు, సీడెడ్‌లో రూ. 15 కోట్లు, ఉత్తరాంధ్రాలో రూ. 10.2 కోట్లు, ఈస్ట్ గోదావరిలో రూ. 6.50 కోట్లు, వెస్ట్ గోదావరి జిల్లాలో రూ. 6 కోట్లు, గుంటూరు జిల్లాలో రూ. 7.50 కోట్లు, కృష్ణా రూ. 5.6 కోట్లు, నెల్లూరు రూ. 3.2 కోట్లతో మొత్తంగా రూ. 72 కోట్లు వాల్తేరు వీరయ్యకు ప్రీ రిలీజ్ బిజినెస్ జరిగింది.

నాలుగో రోజు తెలుగు వెర్షన్ ఆక్యుపెన్సీ డీటెల్స్..

శ్రుతి హాసన్, కేథరీన్ ట్రేసా హీరోయిన్స్ గా ఆకట్టుకున్న వాల్తేరు వీరయ్య తెలుగు వెర్షన్ ఆక్యుపెన్సీ వివరాల విషయానికి వస్తే.. హైదరాబాద్‌లో 59 శాతం, బెంగళూరులో 28 శాతం, చెన్నైలో 58.50 శాతం, విజయవాడలో 83 శాతం, వరంగల్‌లో 47 శాతం, గుంటూరులో 87 శాతం, వైజాగ్‌లో 94 శాతం, నిజమాబాద్‌లో 34 శాతం, కరీంనగర్‌లో 77 శాతం, కాకినాడలో 96.50 శాతం, నెల్లూరులో 94.50 శాతం ఆక్యుపెన్సీని సాధించింది.

4వ రోజు హిందీ ఆక్యుపెన్సీ వివరాలు..

చిరంజీవి-రవితేజ కాంబినేషన్ లో వచ్చిన వాల్తేరు వీరయ్య సినిమా హిందీ వెర్షన్ తెలుగు వెర్షన్ తో పోలీస్తే చాలా వరకు తగ్గినట్లు తెలుస్తోంది. ముంబైలో 4 శాతం, ఢిల్లీలో 11.50 శాతం, పూణె 10 శాతం, కోల్‌కతాలో 23.50 శాతం, ఆహ్మదాబాద్ 2 శాతం, సూరత్‌లో 5.50, జైపూర్ 20 శాతం, కాన్పూర్ లో 1 శాతం, వడోదర 2 శాతం రాగా, భోపాల్ లో 21.50 శాతం ఆక్యుపెన్సీ నమోదయిందని ట్రేడ్ వర్గాలు లెక్కలు చూపించాయి.

నాలుగో రోజు కలెక్షన్స్..

మాస్ యాక్షన్ అండ్ కామెడీ ఎంటర్టైనర్ గా వచ్చిన వాల్తేరు వీరయ్య సినిమాకు ముందుగానే మంచి బజ్ క్రియేట్ అయింది. దీంతో తొలి రోజు మంచి ఓపెనింగ్స్ రాగా అలాగే కంటిన్యూ అవుతూ వస్తోంది. అయితే నాలుగో రోజు సోమవారం కారణంగా కలెక్షన్లను అంతగా రాబట్టలేకపోయినట్లు తెలుస్తోంది. వాల్తేరు వీరయ్య సినిమా నాలుగో రోజు రూ. 15 కోట్లు నెట్ ఇండియా కలెక్షన్స్ సాధించినట్లు ట్రేడ్ వర్గాలు చెబుతున్నాయి.

నాలుగు రోజుల్లో వచ్చేది..

చిరంజీవికి వీరాభిమాని అయిన కేఎస్ రవీంద్ర తెరకెక్కించిన వాల్తేరు వీరయ్య సినిమాలో రవితేజ క్యారెక్టర్ హైలెట్ గా ఉందని ప్రేక్షకులు చెబుతున్నారు. ఫలితంగా సినిమాకు మంచి రెస్పాన్స్ తో పాటు కలెక్షన్స్ కూడా వస్తున్నాయి. ఈ క్రమంలో వాల్తేరు వీరయ్య సినిమాకు మొత్తం నాలుగు రోజులు కలిపి రూ. 85.20 కోట్లు ఇండియా నెట్ కలెక్షన్స్ రానున్నట్లు అంచనా వేశాయి ట్రేడ్ వర్గాలు.

మూడు రోజుల వసూళ్లు..

చిరంజీవి 'వాల్తేరు వీరయ్య' మూడు రోజుల్లో ఆంధ్రప్రదేశ్, తెలంగాణలో భారీ స్థాయిలో రూ. 47.46 కోట్ల షేర్, రూ. 76.80 కోట్ల గ్రాస్ కలెక్షన్స్ కొల్లగొట్టింది. ఇక ప్రపంచవ్యాప్తంగా చూసుకుంటే ఈ సినిమాకు 3 డేస్ లో రూ. 58.91 కోట్ల వరకు షేర్ కలెక్షన్స్ వచ్చాయి. ఇక గ్రాస్ కలెక్షన్స్ అయితే రూ. 108.95 కోట్ల వసూళ్లు రాబట్టింది.

దీంతో మెగాస్టార్ చిరంజీవి సినిమా బాక్సాఫీస్ వద్ద మరోసారి సెంచరీ కొట్టి.. సరికొత్త రికార్డు క్రియేట్ చేసింది. మరి నాలుగో రోజు సోమవారం కారణంగా ఎలాంటి కలెక్షన్స్ రాబడుతుందో చూడాలి.