చిన్న సినిమా.. భారీ హిట్.. వంద కోట్ల క్లబ్‌లో ఫక్రే రిటర్న్స్

వంద కోట్ల క్లబ్‌లో

మూడువారాల క్రితం రిలీజైన ఫక్రే రిటర్న్స్ చిత్రం ప్రపంచవ్యాప్తంగా రూ.100 కోట్లకు పైగా వసూళ్లను సాధించింది. మృగ్‌దీప్ సింగ్ లాంబా దర్శకత్వం వహించిన ఈ చిత్రం భారీ చిత్రాల వసూళ్లను మించి కలెక్షన్లను సాధించింది.

స్వదేశీ మార్కెట్‌లో

దేశీయ మార్కెట్‌లో రూ.93.02 కోట్లు, ఓవర్సీస్ మార్కెట్లో రూ. 90 కోట్లు సాధించింది. ఇంకా థియేటర్లలో ప్రేక్షకుల నుంచి మంచి స్పందన కనిపిసిస్తున్నది.

బాలీవుడ్‌కు షాకిచ్చి..

బాలీవుడ్ చిత్ర పరిశ్రమలో ఇటీవల కాలంలో వంద కోట్ల క్లబ్‌లో చేరిన దాఖలాలు కనిపించడం లేదు. జుడ్వా2, గోల్‌మాల్ అగైన్ చిత్రాల తర్వాత వందకోట్ల క్లబ్‌లో చేరిన చిత్రంగా ఫక్రే రిటర్న్స్ చేరడం విశేషం.

ఢిల్లీ యువకుల కథ..

ఢిల్లీకి చెందిన యువకుల చుట్టూ తిరిగే చిత్ర కథనే ఫక్రే రిటర్న్స్. భయంకరమైన మాఫియా డాన్, ప్రజలను వాగ్దానాలతో మోసపుచ్చే రాజకీయ నాయకుడి చుట్టూ కథ తిరుగుతుంది. హాస్య ప్రధానంగా సాగే ఈ చిత్రం ప్రేక్షకులను విశేషంగా ఆకర్షిస్తున్నది.