Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
మహేష్ ‘1’: బాక్సాఫీసు వద్ద గ్రాండ్ ఓపెనింగ్స్
హైదరాబాద్: ప్రేక్షకులు ఎంతగానో ఎదరు చూసిన మహేష్ బాబు నటించిన '1 నేనొక్కడినే' చిత్రం ఈ రోజు విడుదలై బాక్సాఫీసు వద్ద గ్రాండ్ ఓపెనింగ్స్ సాధించింది. ఆంధ్రప్రదేశ్తో పాటు రెస్టాఫ్ ఇండియా, ఓవర్సీస్ ఇలా విడుదలైన ప్రతి చోటా సినిమా చూసేందుకు అభిమానులు పొటెత్తారు. మహేష్ మేనియా ఏ రేంజిలో ఉందో ఈ రోజు జాతరను తలపించిన థియేటర్లే నిదర్శనం.
పరిస్థితి చూస్తుంటే....ఈ చిత్రం ఫస్ట్ డే కలెక్షన్ల విషయంలో ఇప్పటి వరకు ఉన్న అన్ని రికార్డులను బద్దలు కొట్టి సరికొత్త రికార్డులను సృష్టిస్తుందని స్పష్టమవుతోంది. ఈ రోజు సాయంత్రానికల్లా ఫస్ట్ డే కలెక్షన్ల వివరాలు వెల్లడికానున్నాయి. చాలా చోట్ల వీకెండ్ వరకు సినిమా టిక్కెట్లన్నీ ముందుగానే బుక్ అయిపోయాయి.
ఈ రోజు ఉదయం 4 గంటలకే పలు చోట్ల ప్రత్యేక షోలు ప్రారంభం అయ్యాయి. మార్నింగ్ షో మొదలు కావడానికి ముందే కొన్నిచోట్ల రెండు షోలు ప్రదర్శించేసారు. బిజీ అవర్స్లో సినిమా థియేటర్లన్నీ హౌస్ ఫుల్ అవడం చూస్తుంటే....మహేష్ బాబు మేనియా ఏ రేంజిలో ఉందో స్పష్టం అవుతోంది.
కొన్ని చోట్ల క్రౌడ్ కంట్రోల్ చేయడానికి పోలీసులు రంగంలోకి దిగాల్సిన పరిస్థితి ఏర్పడింది. తొలి రోజు ఈచిత్రం విడుదలైన అన్ని చోట్ల దాదాపు 100 శాతం ఆక్యుపెన్సీ సాధించాయి. కొన్ని చోట్ల బ్లాక్ టికెటింగ్ జోరుగా నడుస్తోంది. బ్లాక్ లో ఒక్కో టిక్కెట్ రూ. 1000 పెట్టి కొనడానికి కూడా అభిమానులు వెనకాడటం లేదు.
సుకుమార్ దర్శకత్వం వహించిన ఈ చిత్రాన్ని 14 రీల్స్ ఎంటర్టెన్మెంట్ష్ సంస్థ భారీ బడ్జెట్ తో నిర్మించింది. రామ్ ఆచంట, గోపీచంద్ ఆచంట, అనిల్ సుంకర నిర్మాతలు. క్రితి సానన్ ఈ చిత్రం ద్వారా హీరోయిన్గా పరిచయం అవుతోంది. మహేష్ తనయుడు గౌతం కృష్ణ ఈచిత్రం ద్వారా బాల నటుడిగా పరిచయం అవుతున్నాడు.