Matti Kusthi Day 1 Collections నిర్మాతగా రవితేజ మూవీకి షాకింగ్ కలెక్షన్లు.. మాస్ మహారాజా ఎంత రాబట్టాడంటే?

తెలుగు, తమిళ భాషల్లో

విష్ణు విశాల్ నటించిన మట్టి కుస్తీ (తమిళంలో గట్టా కుస్తీ) చిత్రం దాదాపు 25 కోట్ల వ్యయంతో తెరకెక్కించారు. ఈ సినిమాకు సంబంధించిన ప్రీ రిలీజ్ బిజినెస్ భారీగా జరిగింది. ప్రపంచవ్యాప్తంగా ఈ సినిమా బిజినెస్ వివరాల్లోకి వెళితే.. ఏపీ, తెలంగాణలో 2.5 కోట్ల మేర వాల్యూ వేశారు. తమిళనాడులో 15 కోట్లకు థియేట్రికల్ రైట్స్ అమ్మారు. యూఎస్ఏ రైట్స్ 3 కోట్లకు అమ్మినట్టు తెలిసింది.

ఏపీ, తెలంగాణలో థియేటర్ కౌంట్

మట్టి కుస్తీ (గట్టా కుస్తీ) థియేటర్ కౌంట్ విషయానికి వస్తే.. తెలుగు రాష్ట్రాల్లో భారీగానే రిలీజ్ చేశారు. నైజాంలో 90 థియేటర్లు, సీడెడ్‌లో 40 థియేటర్లు, ఆంధ్రాలో 120 థియేటర్లలో రిలీజ్ చేశారు. మొత్తంగా నైజాం, ఆంధ్రాలో కలిపి ఈ సినిమాను 250 స్క్రీన్లలో విడుదల చేశారు.

తమిళనాడులో స్క్రీన్ కౌంట్

ఇక తమిళ వెర్షన్ గట్టా కుస్తీ సినిమాను కూడా భారీ రేంజ్‌లో రిలీజ్ చేశారు. తమిళనాడు వ్యాప్తంగా ఈ సినిమాను 320కిపైగా స్క్రీన్లలో విడుదల చేశారు. ఈ సినిమాకు తమిళనాడులో మోస్తారు ఆక్యుపెన్సీ కనిపించింది. తమిళనాడులోని ప్రధాన నగరాల్లో దాదాపు 30 శాతానికి పైగా ఆక్యుపెన్సీ నమోదైంది.

తొలి రోజు నైజాం, ఏపీలో

మట్టి కుస్తీ (Gatta Kusthi) సినిమా విషయానికి వస్తే.. తొలి రోజు భారీగానే వసూళ్లు రాబట్టే అవకాశం ఉంది. తెలు రాష్ట్రాల్లో ఈ సినిమా 2 నుంచి 2.5 కోట్ల గ్రాస్ మేర కలెక్షన్లను రాబట్టే ఛాన్స్ కనిపిస్తున్నది. ఈ సినిమా అదే జోష్ కొనసాగిస్తే.. వారాంతంలో బ్రేక్ ఈవెన్ సాధించే అవకాశాలు కనిపిస్తున్నాయి.

ప్రపంచవ్యాప్తంగా కలెక్షన్లు ఎంతంటే?

ఇక తమిళంలో విడుదలైన గట్టా కుస్తీ మూవీ భారీగానే వసూళ్లను రాబట్టే అవకాశం ఉంది. ఈ సినిమా తొలి రోజు 5 కోట్ల వరకు కలెక్షన్లను నమోదు చేస్తుందని ట్రేడ్ వర్గాలు అంచనా వేస్తున్నాయి. ఇక ఓవర్సీస్‌తో కలిపి సుమారు 7 కోట్ల గ్రాస్ వసూళ్లను తొలి రోజు నమోదు చేయవచ్చని ట్రేడ్ వర్గాలు వెల్లడించాయి.