భారీ వసూళ్లు రాబడుతున్న డర్టీ హరి.. కలెక్షన్ డోస్ తగ్గేలా లేదుగా

Recommended Video

Dirty Hari Director MS Raju Interview Part 3

ఆ సినిమా తరువాత.. భారీ నష్టాలు

దేవి, ఒక్కడు, వర్షం వంటి ఎన్నో బాక్సాఫీస్ హిట్ సినిమాలను నిర్మించిన సీనియర్ ప్రొడ్యూసర్ ఎమ్ఎస్.రాజు ఇండస్ట్రీలో ఒక ప్రత్యేకమైన గుర్తింపును అందుకున్నాడు. అప్పట్లో ఆయన ఎలాంటి సినిమా చేసినా కూడా బాక్సాఫీస్ వద్ద మినిమమ్ వసూళ్లను అందుకునేవి. అయితే పౌర్ణమి సినిమా తరువాత వరుసగా కొన్ని సినిమాలు కోలుకోలేని విధంగా నష్టాలను కలిగించాయి.

కొడుకు సినిమా కూడా ప్లాప్

ముఖ్యంగా ఆయన తనయుడైన అశ్విన్ ను వెండితెరకు పరిచయం చేస్తూ నిర్మించిన చిత్రం తూనీగ తూనీగ. ఆయనే సొంతంగా కూడా డైరెక్ట్ చేశారు. అయితే అనుకోకుండా ఆ సినిమా డిజాస్టర్ టాక్ ను అందుకోవడమే కాకుండా భారీ స్థాయిలో నష్టాలను మిగిల్చింది. ఆ దెబ్బతో సుమంత్ ఆర్ట్ ప్రొడక్షన్ చాలా కాలం పాటు వెండితెరపై కనిపించలేదు.

డర్టీ హరి.. బాగానే వర్కౌట్ అయ్యింది

సరిగ్గా 8 ఏళ్ళ అనంతరం ఎమ్ఎస్.రాజు కాస్త డిఫరెంట్ స్టైల్ లో ప్రయోగాత్మక సినిమాతో యూత్ ను టార్గెట్ చేశాడు. మందుకొడుతూ సినిమా చూడవచ్చని పదునైన స్టేట్మెంట్స్ తో డర్టీ హరిని ప్రమోట్ చేశాడు. ఆ సినిమాను మొదట ఫ్రైడే మూవీస్ అనే యాప్ ద్వారా విడుదల చేశారు. సినిమాలోని బోల్డ్ కంటెంట్ ఓ వర్గం ఆడియెన్స్ ను గట్టిగానే ఎట్రాక్ట్ చేసింది.

సంక్రాంతి ఫైట్ లో కూడా

మొదట 120రూపాయలతో స్ట్రీమింగ్ పెట్టగా దాదాపు 90వేలకు పైగా వ్యూవ్స్ లభించినట్లు తెలుస్తోంది. ఒక విధంగా ఇది భారీ లాభమనే చెప్పాలి. అంటే దాదాపు కోటికి పైగా కలెక్షన్స్ అందుకుందనే కామెంట్స్ వస్తున్నాయి. ఇక ఇప్పుడు ఆహాతో డీలింగ్ సెట్ చేసుకొని అందులో రిలీజ్ చేశారు. ఇక డర్టీ హరిని ఈ నెల 8న డైరెక్ట్ గా థియేటర్స్ లో విడుదల చేయాలని డిసైడ్ అయ్యారు. సంక్రాంతి సీజన్ లో జనాలు కాస్త ఎట్రాక్ట్ అయినా కూడా నిర్మాతకు మరింత లాభాలు వచ్చే అవకాశం ఉంటుంది. మరి డర్టీ హరి ఎంతవరకు సక్సెస్ అవుతాడో చూడాలి.