సాంగ్ టీజర్ కేక‌: అల్లు అరవింద్ కు ఆనందం, తల పట్టుకుంటున్న మిగతా ఇండస్ట్రీ

ఇక సంతోష్ నారాయణన్ సంగీతం అందించిన పాటలు ఇప్పటికే తమిళంలో విడుదల కాగా... త్వరలో తెలుగులో విడుదల చేసేందుకు సన్నాహాలు చేస్తున్నారు.

జూలై 1న చిత్రాన్ని విడుదల చేస్తారంటూ ప్రచారం జరిగినా రీసెంట్‌గా మరోసారి వాయిదా పడిందని వార్తలు వినిపిస్తున్నాయి.

జూలై 15న ఈ చిత్రాన్ని ప్రపంచ వ్యాప్తంగా విడుదల చేయనున్నారని సమాచారం.

రజనీ అభిమానులు ఆతృతగా ఎదురుచూస్తున్న ఈ సినిమాపై భారీ అంచనాలు నెలకొన్నాయి.

అయితే అందుతున్న సమాచారం ప్రకారం తెలుగు వెర్షన్ రిలీజ్ కష్టమే అంటున్నారు.

ఎందుకంటే తెలుగు ఫిల్మ్ ఛాంబర్ ఆఫ్ కామర్స్ లో రజనీ గత చిత్రం కొచ్చిడియాన్(విక్రమ్ సింహా)పై ఓ కంప్లైంట్ పెండింగ్ లో ఉంది.

కొచ్చిడియాన్(విక్రమ్ సింహా)ని డిస్ట్రిబ్యూటర్ లక్ష్మి గణపతి ఫిల్మ్స్ వారు, ఫైనాన్సియర్ శోభన్ బాబు ఈ చిత్రం పంపిణీ చేసి భారీగా నష్టం పొందారు.

అయితే కొచ్చిడియాన్(విక్రమ్ సింహా) నష్టాలు విషయమై రజనీ భార్య లత..7.60 కోట్లకు వీరికి హామీ ఇచ్చి ఉన్నారు.

కానీ ఆమె ఆ తర్వాత హామీని నిలబెట్టుకోలేదు. దాంతో ఇప్పుడు ఆ నష్టం రికవరీ విషయమై తేలకుండా కబాలిని విడుదల చేసేది లేదు అంటున్నారు.

మరో ప్రక్క రజనీ గత చిత్రం లింగా డిజాస్టర్ సైతం ఇక్కడ పంపిణీదారులను భయపెడుతోంది.

ఫిల్మ్ ఛాంబర్ లో ఉన్న కేసుని లెక్క చేయకుండా ఉండి రిలీజ్ చేసే డిస్ట్రిబ్యూటర్ దొరికితేనే ఈ సినిమా ఇక్కడ తెలుగులో రిలీజ్ అవుతుంది.

తెల్లని గెడ్డంతో రజినీకాంత్ తనదైన శైలిలో చాల విభిన్నంగా స్టైలిష్ గా కనిపించి అభిమానులకు పండుగ చేసారు. రజినీకాంత్ స్టైలిష్ నడకతో ఈ సాంగ్ టీజర్ ప్రారంభమైంది.

ముఖ్యంగా ‘పాత తెలుగు చిత్రాల్లో బుగ్గపై గాటు పెట్టుకుని, మీసాలు తిప్పుకొంటూ, లుంగీ కట్టుకుని పాత విలన్‌ ఏయ్‌! కబాలి అని పిలవగానే... వంగుని వినయంగా ఎస్‌ బాస్‌ అంటూ అని నిలబడతాడే ఆ కబాలి అనుకున్నావా?.. కబాలి... రా' అంటూ చెప్పిన డైలాగ్‌ అదరగొట్టిందంటున్నారు ఫ్యాన్స్.

కబాలి త‌మిళ‌ టీజర్‌కు గంటలోనే మిలియన్‌ వ్యూస్‌ వచ్చేశాయి. అంతేకాకుండా తెలుగు, తమిళ చిత్ర పరిశ్రమలోని అందరు ప్రముఖులు రజనీ స్టైల్‌కు ఫిదా అయిపోయారు.

ఈ చిత్రంలో రజనీకాంత్‌కి జోడీగా రాధికా ఆప్టే నటించారు.

కలైపులి ఎస్‌. థను నిర్మించిన ఈ చిత్రానికి సంతోష్‌ నారాయణన్‌ సంగీతం సమకూరుస్తున్నారు.

ధన్షిక, కిషోర్‌, దినేష్‌ రవి, జాన్‌ విజయ్‌ తదితరులు చిత్రంలో ప్రధాన పాత్రల్లో నటించారు.

చైనాకు చెందిన విల్సన్‌ చౌ విలన్ గా చేస్తున్నారు.

ఈ చిత్రం షూటింగ్ ఎక్కువ భాగం మలేసియాలో జరిగింది.

''తెలుగు, తమిళ భాషల్లో ఒకేసారి తెరకెక్కిస్తున్న చిత్రిమిది. సంతోష్‌ నారాయణ్‌ బాణీలు అందిస్తున్నారు. తెలుగులో సీతారామశాస్త్రి, చంద్రబోస్‌, అనంతశ్రీరామ్‌ సాహిత్యాన్ని అందిస్తున్నారు''అన్నారు.

రజనీకు ఒక్క తమిళనాటే కాక ప్రపంచ వ్యాప్తంగా ఫ్యాన్స్ ఉండడంతో ఈ సినిమాను వీలైనంత మేరకు అన్ని ఏరియాల్లో విడుదల చేసేందుకు నిర్మాతలు సన్నాహాలు చేస్తున్నారు.

రజనీకాంత్‌ ఫాలోయింగ్‌ బేస్ చేసుకుని ఈ చిత్రాన్ని ఇప్పటికే అనేక భాషల్లో డబ్‌ చేస్తున్నారు.

ఈ జాబితాలోకి మరో భాష వచ్చి చేరింది. మలేషియాలో తమిళ చిత్రాలకు ఆదరణ బాగానే ఉంటుంది. దీనిని దృష్టిలో పెట్టుకుని 'కబాలి'ని మలయ్‌( మలేషియా బాష)లోకి అనువదిస్తున్నారు.

దీంతో మలయ్‌ బాషలోకి డబ్‌ అయిన తొలి తమిళ చిత్రంగా కబాలి రికార్డు సృష్టించింది. మలేషియా మీడియా కంపెనీ అయిన మాలిక్‌ స్ట్రీమ్‌ ప్రొడక్షన్స్‌ ఈ చిత్రాన్ని మలేషియాలో విడుదల చేయనుంది.

నిజజీవిత కథ ఆధారంగా తెరకెక్కుతున్నట్టు భావిస్తున్న ఈ సినిమాలో రజనీ వృద్ధ డాన్‌గా రెండు పార్శ్వాలున్న వైవిధ్యమైన పాత్రను పోషిస్తుండగా..కథ అండర్‌ వరల్డ్ మాఫియా చుట్టూ తిరుగుతుందని తెలుస్తోంది. ఈ చిత్రానికి మాటలు: సాహితి, ఛాయాగ్రహణం:మురళీ, కళ: రామలింగం