Ramarao On Duty 3 Days Collections: రవితేజకు కోలుకోలేని షాక్.. సండే కూడా అంతేనా.. ఇంకెంత రావాలంటే!

రామారావుగా వచ్చేసిన రవితేజ

టాలీవుడ్ స్టార్ రవితేజ - శరత్ మందవ కలయికలో రూపొందిన సినిమానే 'రామారావు ఆన్ డ్యూటీ'. ఈ మూవీలో ఇందులో దివ్యాన్షా కౌశిక్, రజిషా విజయన్ హీరోయిన్లుగా నటించారు. ఈ సినిమాను సుధాకర్ చెరుకూరి ఎంతో ప్రతిష్టాత్మకంగా నిర్మించారు. ఇందులో సీనియర్ హీరో వేణు తొట్టెంపూడి కీలకమైన పాత్రను చేశాడు. ఈ చిత్రానికి సామ్ సీఎస్ సంగీతం అందించాడు.

బిజినెస్ తగ్గట్లుగా గ్రాండ్ రిలీజ్

రవితేజ మార్కెట్ అనుగుణంగానే 'రామారావు ఆన్ డ్యూటీ' మూవీకి నైజాంలో రూ. 5 కోట్లు, సీడెడ్‌లో రూ. 3 కోట్లు, ఆంధ్రాలో కలిపి రూ. 7 కోట్ల మేర బిజినెస్ జరిగింది. ఇలా తెలుగు రాష్ట్రాల్లో రూ. 15 కోట్ల బిజినెస్ చేసుకుంది. అలాగే, రెస్టాఫ్ ఇండియాలో రూ. 1 కోట్లు, ఓవర్సీస్‌లో రూ. 1.20 కోట్లతో కలిపి ప్రపంచ వ్యాప్తంగా ఈ సినిమా రూ. 17.20 కోట్ల బిజినెస్‌ను చేసుకుంది.

3వ రోజు ఎక్కడ? ఎంతొచ్చింది

'రామారావు ఆన్ డ్యూటీ'కి తెలుగు రాష్ట్రాల్లో 3 రోజు కలెక్షన్లు తగ్గాయి. ఫలితంగా నైజాంలో రూ. 18 లక్షలు, సీడెడ్‌లో రూ. 5 లక్షలు, ఉత్తరాంధ్రలో రూ. 4 లక్షలు, ఈస్ట్ గోదావరిలో రూ. 2 లక్షలు, వెస్ట్ గోదావరిలో రూ. 1 లక్షలు, గుంటూరులో రూ. 3 లక్షలు, కృష్ణాలో రూ. 3 లక్షలు, నెల్లూరులో రూ. 1 లక్షలతో.. ఏపీ, తెలంగాణలో రూ. 37 లక్షలు షేర్, రూ. 60 లక్షలు గ్రాస్ మాత్రమే వసూలైంది.

3 రోజుల్లో ఎక్కడ? ఎంతొచ్చింది

ఏపీ, టీఎస్‌లో 'రామారావు ఆన్ డ్యూటీ'కి మూడు రోజుల్లో నిరాశే ఎదురైంది. ఫలితంగా నైజాంలో రూ. 1.21 కోట్లు, సీడెడ్‌లో రూ. 64 లక్షలు, ఉత్తరాంధ్రలో రూ. 54 లక్షలు, ఈస్ట్ గోదావరిలో రూ. 37 లక్షలు, వెస్ట్ గోదావరిలో రూ. 20 లక్షలు, గుంటూరులో రూ. 31 లక్షలు, కృష్ణాలో రూ. 23 లక్షలు, నెల్లూరులో రూ. 15 లక్షలతో కలుపుకుని రూ. 3.65 కోట్లు షేర్, రూ. 6.15 కోట్లు గ్రాస్ వసూలైంది.

ప్రపంచ వ్యాప్తంగా వసూళ్లు ఇలా

ఆంధ్రా, తెలంగాణలో 3 రోజుల్లో కేవలం రూ. 3.65 కోట్లు రాబట్టిన 'రామారావు ఆన్ డ్యూటీ' ప్రపంచ వ్యాప్తంగా నిరాశనే ఎదుర్కొంది. దీంతో కర్నాటక ప్లస్ రెస్టాఫ్ ఇండియాలో రూ. 30 లక్షలు, ఓవర్సీస్‌లో రూ. 43 లక్షలు మాత్రమే వసూలు చేసింది. వీటితో కలుపుకుంటే 3 రోజుల్లో ఈ చిత్రానికి ప్రపంచ వ్యాప్తంగా రూ. 4.38 కోట్లు షేర్‌తో పాటు రూ. 7.60 కోట్లు గ్రాస్ మాత్రమే వచ్చింది.

బ్రేక్ ఈవెన్ టార్గెట్.. ఎంత రావాలి?

మాస్ మహారాజా రవితేజ నటించిన 'రామారావు ఆన్ డ్యూటీ' మూవీకి అంచనాలకు అనుగుణంగానే ప్రపంచ వ్యాప్తంగా రూ. 17.20 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 18 కోట్లుగా నమోదైంది. ఇక, 3 రోజుల్లో ఈ సినిమాకు రూ. 4.38 కోట్లు వచ్చాయి. అంటే మరో 13.62 కోట్లు రాబడితేనే ఇది క్లీన్ హిట్‌ అవుతుంది.

ఆదివారం కూడా ఇంత తక్కువా?

రవితేజ హీరోగా శరత్ మందవ తెరకెక్కించిన 'రామారావు ఆన్ డ్యూటీ' మూవీ ఎన్నో అంచనాలతో విడుదలైంది. కానీ, ఊహించని విధంగా ఈ చిత్రానికి ఆదరణ తగ్గిపోతూనే వస్తోంది. అయితే, ఆదివారం సెలవు రోజు కావడంతో దీనికి వసూళ్లు పెరుగుతాయని అంతా అనుకున్నారు. కానీ, ఆశ్చర్యపరుస్తూ సండే కూడా తగ్గాయి. ఇది నిజంగా రవితేజకు భారీ షాకే అని చెప్పుకోవచ్చు.