సంక్రాంతి బాక్సాఫీస్ ఫైట్: ఆ 4 సినిమాల టార్గెట్ సెట్టయ్యింది.. ఎవరెవరు ఎంత రాబట్టాలంటే..

రవితేజ క్రాక్ టార్గెట్

మాస్ మహారాజా రవితేజ బాక్సాఫీస్ వద్ద రికార్డులను క్రియేట్ చేసి చాలా కాలమవుతోంది. ఆయన అభిమానులు ఒక్క హిట్టు కొడితే చాలని ఎంతో ఆతృతగా ఎదురుచూస్తున్నారు. అయితే ఈ సారి 'క్రాక్' హడావుడి చూస్తుంటే వర్కౌట్ అయ్యేలా ఉందని అనిపిస్తోంది. ఈ సినిమా 13.5కోట్ల బిజినెస్ చేస్తోంది. ఆంధ్రప్రదేశ్, తెలంగాణలో కలిపి మినిమమ్ 14కోట్లు రాబడితేనే లాభల్లోకి వచ్చినట్లు. జనవరి 9న క్రాక్ రిలీజ్ అవుతోంది.

రెడ్ ఎంత కలెక్ట్ చేయాలంటే..

ఎనర్జిటిక్ హీరో రామ్ పోతినేని రెడ్ సినిమాపై కూడా అంచనాలు భారిగానే ఉన్నాయి. ఈ సినిమాను కిషోర్ తిరుమల డైరెక్ట్ చేశాడు. అయితే సినిమాకు సంబంధించిన బ్రేక్ ఈవెన్ విషయానికి వస్తే.. 15.5కోట్లు. మినిమమ్ 20కోట్లు ఈజీగా రాబట్టవచ్చని టాక్ వస్తోంది. అయితే పోటీ ఎక్కువగా ఉంది కాబట్టి హిట్ టాక్ తప్పనిసరిగా తెచ్చుకోవాల్సి ఉంటుంది. రెడ్ మూవీ జనవరి 14న విడుదల కాబోతోంది.

Recommended Video

Kalika Director Navarasan, Producer Natti Karuna Interview Part - 3

మాస్టర్ ఈజీ టార్గెట్..

ఇక విజయ్ మాస్టర్ 9కోట్లు రాబట్టాలి. విజయ్ కు గత కొంతకాలంగా తెలుగులో మార్కెట్ అయితే బాగానే పెరుగుతోంది. ఇక ఈ సారి మాస్టర్ తో టార్గెట్ ను ఈజీగా అందుకోవచ్చని తెలుస్తోంది. లోకేష్ కనగరాజ్ దర్శకత్వంలో తెరకెక్కిన ఈ సినిమాపై కేవలం తెలుగులోనే కాకుండా దేశవ్యాప్తంగా అంచనాలు పెరిగిపోయాయి. మాస్టర్ సినిమా జనవరి 13 థియేటర్స్ లోకి రానుంది.

బెల్లంకొండ హీరో అదృష్టం ఎలా ఉందో..

బెల్లంకొండ శ్రీనివాస్ చాలా రోజుల తరువాత అల్లుడు అదుర్స్ అనే మాస్ అండ్ యాక్షన్ ఎంటర్టైనర్ సినిమాతో రాబోతున్నాడు. ఈ సినిమా బ్రేక్ ఈవెన్ విషయానికి వస్తే మినిమమ్ 11.5కోట్లు రావాల్సి ఉంది. బెల్లంకొండ గత సినిమాలు బాక్సాఫీస్ వద్ద పెద్దగా లాభాలు అందించలేకపోయాయి. మరి ఈ పండగ సీజన్ లో జనవరి 15న అందరికంటే కాస్త చివరగా రానున్న బెల్లంకొండ బాబు ఎలాంటి వసూళ్లను అందుకుంటాడో చూడాలి.