హోమ్

బాక్సాఫీస్

హైదరాబాద్ : అక్కినేని నాగార్జున, రమ్యకృష్ణ, లావణ్య త్రిపాఠిలు ప్రధాన పాత్రల్లో నటించిన చిత్రం 'సోగ్గాడే చిన్నినాయన'. సంక్రాంతి కానుకగా విడుదలై ఈ చిత్రం మంచి హిట్ టాక్ తెచ్చుకుంది. సంక్రాంతి పండుగ వెళ్లిపోయినా కలెక్షన్స్ లో తన మ్యాజిక్ ని కొనసాగిస్తోంది. ముఖ్యంగా యంగ్ హీరోల చిత్రాలను బీట్ చేస్తూ ఈ చిత్రం కలెక్షన్స్ సాగటం ట్రేడ్ పండితులను ఆశ్చర్యానికి గురి చేస్తోంది. ఆంద్రాలో తూర్పు గోదావరి వంటి జిల్లాల్లో ...ఎన్టీఆర్ సంక్రాంతి చిత్రం నాన్నకు ప్రేమతోను బీట్ చేయటం విశేషం.

ఇప్పటి వరకు సీడెడ్ లో నాలుగు కోట్ల రూపాయలు, నైజాంలో అయితే 7 కోట్ల రూపాయలు వసులు చేసిందని, ఇంక ఈస్ట్ గోదావరిలో అయితే నాన్నకు ప్రేమతో కన్నా ముందే వుందని సమాచారం. ఈ సందర్బంగా నాగార్జన తన ట్విట్టర్ ఖాత ద్వారా సోగ్గాడే చిన్ని నాయినా రాకింగ్ ఆల్ ఓవర్ ఏగైన్ దిస్ వీకెండ్ అంటా ట్వీట్ చేసారు. దానిని ఇక్కడ మీరు చూడండి.

#SoggadeChinniNayana rocking all over again this weekend/thank you!!!👍👍👍 pic.twitter.com/XkPXnb9BwU

— Nagarjuna Akkineni (@iamnagarjuna) January 24, 2016

ఈ చిత్రానికి కల్యాణ్‌ కృష్ణ దర్శకత్వం వహించగా, అనూప్‌ రూబెన్స్‌ సంగీతం అందించారు. అన్నపూర్ణ స్టూడియోస్‌ బ్యానర్‌పై అక్కినేని నాగార్జున ఈ చిత్రాన్ని నిర్మించారు.

నాగార్జున, రమ్యకృష్ణ, లావణ్య త్రిపాఠి, నాజర్‌, బ్రహ్మానందం, సంపత్‌,నాగబాబు, సప్తగిరి, పోసాని కృష్ణమురళి, హంసానందిని, యాంకర్‌ అనసూయ, దీక్షా పంత్‌, బెనర్జీ, సురేఖా వాణి, దువ్వాసి మోహన్‌, రామరాజు తదితరులు ముఖ్యపాత్రలు పోషిస్తున్న ఈ చిత్రానికి కథ: పి.రామ్మోహన్‌, స్క్రీన్‌ప్లే: సత్యానంద్‌, సినిమాటోగ్రఫీ: పి.ఎస్‌.వినోద్‌, సిద్ధార్థ్‌ రామస్వామి, సంగీతం: అనూప్‌ రూబెన్స్‌, ఎడిటింగ్‌: ప్రవీణ్‌ పూడి, నిర్మాత: అక్కినేని నాగార్జున, మాటలు-దర్శకత్వం: కళ్యాణ్‌కృష్ణ.