ఫస్ట్ వీకెండ్ రిపోర్ట్: ‘టాక్సీవాలా’ జోరు... ‘అమర్ అక్బర్ ఆంటోనీ’ డీలా!

రవితేజ-శ్రీను వైట్ల మూవీ

రవితేజ హీరోగా శ్రీను వైట్ల దర్శకత్వంలో తెరకెక్కిన ‘అమర్ అక్బర్ ఆంటోనీ' చిత్రాన్ని మైత్రి మూవీస్ సంస్థ నవంబర్ 16న దాదాపు 750 స్క్రీన్లలో విడుదల చేశారు. తొలి రోజు ఈ చిత్రం ప్రపంచ వ్యాప్తంగా రూ. 6.70 కోట్ల గ్రాస్ రాబట్టింది. ఈ వసూళ్లు రవితేజ గత ప్లాప్ మూవీ ‘నేల టిక్కెట్' మూవీ తొలి రోజు వసూళ్లతో సమానం.

అమర్ అక్బర్ ఆంటోనీ ఫస్ట్ వీకెండ్ రిపోర్ట్

దర్శకుడు శ్రీను వైట్ల వరుసగా మరోసారి ప్రేక్షకులను నిరాశ పరిచాడు. సినిమా మౌత్ టాక్ సైతం నెగెటివ్‌గా ఉండటంతో రెండో రోజు నుంచి కలెక్షన్స్ మరింత డ్రాప్ అయినట్లు తెలుస్తోంది. ఫస్ట్ వీరెండ్ మూడు రోజులు కలిపి ‘అమర్ అక్బర్ ఆంటోనీ' రూ. 12 కోట్ల గ్రాస్ మించలేదని అంటున్నారు.

రవితేజ మూవీ లాభాల్లోకి రావాలంటే..?

‘అమర్ అక్బర్ ఆంటోనీ' చిత్రం థియేట్రికల్ రైట్స్ రూ. 22 కోట్లకు అమ్మారు. సినిమాను కొన్ని డిస్ట్రిబ్యూటర్లు లాభాల్లోకి రావాలంటే.... రూ. 22 కోట్లకు పైగా షేర్ వసూలు చేయాలి. ఫస్ట్ వీకెండ్ సమయానికి రూ. 6 కోట్లకు మించి షేర్ రాలేదని తెలుస్తోంది.

దూసుకెళుతున్న ‘టాక్సీవాలా'

శనివారం విడుదలైన ‘టాక్సీవాలా' మూవీ మొదటి షో నుంచే పాజిటివ్ టాక్‌తో దూసుకెలుతోంది. చిన్న బడ్జెట్లో తెరకెక్కిన ఈ చిత్రం ఫస్ట్ డే కలెక్షన్లతోనే బ్రేక్ ఈవెన్ సాధించింది. తొలి రోజు ప్రపంచ వ్యాప్తంగా రూ. 10.5 కోట్ల గ్రాస్ వసూలు చేసింది.

‘టాక్సీవాలా' ఫస్ట్ వీకెండ్ రిపోర్ట్

మొదటి రోజు రూ. 10.5 కోట్ల గ్రాస్ సాధించిన ‘టాక్సీవాలా'... పాజిటివ్ మౌత్ టాక్ కారణం ఆదివారం వసూళ్లు మరింత పెరిగాయి. ఫస్ట్ వీకెండ్ టోటల్ కలెక్షన్న్ రూ. 22 కోట్లకు రీచ్ అయినట్లు తెలుస్తోంది. సినిమాకు డిమాండ్ ఎక్కువగా ఉండటంతో ఎక్స్‌ట్రా స్క్రీన్లు కూడా యాడ్ చేశారట.