Uppena 10 day Collections: ఆ నాలుగు సినిమాలకు షాకిచ్చిన ‘ఉప్పెన’.. టాలీవుడ్‌లోనే ఫస్ట్ మూవీగా రికార్డు

Uppena Movie First Day Collections | Vaishnav Tej Record

సత్తా చాటిన కొత్త టీమ్... సక్సెస్ కొట్టింది

పంజా వైష్ణవ్ తేజ్.. కృతి శెట్టి హీరో హీరోయిన్‌గా నటించిన చిత్రం ‘ఉప్పెన'. ఈ సినిమాను సుకుమార్ శిష్యుడు బుచ్చిబాబు సన తెరకెక్కించాడు. స్టార్ హీరో విజయ్ సేతుపతి తెలుగులో తొలిసారి పూర్తి స్థాయి పాత్రను చేశారు. మైత్రీ మూవీ మేకర్స్ నిర్మించిన ఈ సినిమాకు దేవీ శ్రీ ప్రసాద్ సంగీతం అందించాడు. విడుదలకు ముందే అంచనాలు పెంచుకున్న ఈ మూవీ సూపర్ హిట్ అయింది.

స్పందనతో సంబంధం లేకుండా కలెక్షన్లు

ఎన్నో అంచనాల నడుమ ‘ఉప్పెన' మూవీ ఫిబ్రవరి 12న ప్రేక్షకుల ముందుకొచ్చింది. మొదటి రోజే మిక్స్‌డ్ టాక్‌ను తెచ్చుకోవడంతో ఈ మూవీ ఫలితంపై అందరిలోనూ ఎన్నో అనుమానాలు నెలకొన్నాయి. అయినప్పటికీ ప్రేక్షకులను థియేటర్లకు రప్పించడంలో సక్సెస్ అయిందీ సినిమా. తద్వారా కలెక్షన్లు కూడా భారీగానే వస్తున్నాయి. ఫలితంగా ఎన్నో రికార్డులు బద్దలయ్యాయి.

మూడో రోజే ఫినీష్.. ఆ రికార్డులన్నీ బ్రేక్

షూటింగ్ ఎప్పుడో పూర్తి చేసుకున్నా.. లాక్‌డౌన్ కారణంగా ‘ఉప్పెన' రిలీజ్ కాలేదు. ఈ గ్యాప్‌లో ‘నీ కన్ను నీలి సముద్రం' అనే పాట దీనిపై అంచనాలు పెంచేసింది. అలాగే, టీజర్, ట్రైలర్ కూడా ఆకట్టుకోవడంతో ఈ చిత్రానికి రూ. 20.50 కోట్లు ప్రీ రిలీజ్ బిజినెస్ జరగడంతో బ్రేక్ ఈవెన్ టార్గెట్ రూ. 21 కోట్లైంది. ఈ టార్గెట్‌ను కేవలం మూడు రోజుల్లోనే బ్రేక్ చేసి రికార్డు క్రియేట్ చేసింది.

పదో రోజు ఎక్కడ? ఎంత వసూలు చేసింది?

నాలుగు సినిమాలున్నా.. ఉప్పెన పదో రోజూ భారీగా పుంజుకుంది. దీంతో నైజాంలో రూ. 91 లక్షలు, సీడెడ్‌లో రూ. 41 లక్షలు, ఉత్తరాంధ్రలో రూ. 46 లక్షలు, ఈస్ట్‌లో రూ. 26 లక్షలు, వెస్ట్‌లో రూ. 11 లక్షలు, గుంటూరులో రూ. 17 లక్షలు, కృష్ణాలో రూ. 18.1 లక్షలు, నెల్లూరులో రూ. 11 లక్షలు రాబట్టింది. మొత్తంగా నాలుగో రోజు రూ. 2.61 కోట్లు షేర్, రూ. 4.55 కోట్ల గ్రాస్ వచ్చింది.

పదో రోజు అంతలా.. మొత్తంగా ఎంతంటే?

‘ఉప్పెన' మొదటి రోజు రూ. 9.35 కోట్లు, రెండో రోజు రూ. 6.86 కోట్లు, మూడో రోజు రూ. 8.26 కోట్లు, నాలుగో రోజు రూ. 4.17 కోట్లు, ఐదో రోజు రూ. 3.12 కోట్లు, ఆరో రోజు రూ. 1.93 కోట్లు, ఏడో రోజు రూ. 1.44 కోట్లు, ఎనిమిదో రోజు రూ. 1.13 కోట్లు, తొమ్మిదో రోజు రూ. 1.49 కోట్లు, పదో రోజు రూ. 2.61 కోట్లు రాబట్టింది. మొత్తంగా రూ. 40.36 కోట్ల షేర్, రూ. 64.80 కోట్ల గ్రాస్ అందుకుంది.

టాలీవుడ్‌లోనే మొదటి సినిమాగా రికార్డు

‘ఉప్పెన' విడుదలైన రోజు నుంచే మీడియం రేంజ్ సినిమాల రికార్డులను ఒక్కొక్కటిగా బద్దలు కొడుతూ వస్తోంది. ఇందులో భాగంగానే పదో రోజు ఏకంగా రూ. 2.61 కోట్లు వసూలు చేసి.. ఈ చిత్రాల జాబితాలో మొదటి స్థానాన్ని దక్కించుకుంది. దీని కంటే ముందు వరుణ్ తేజ్ నటించిన ‘ఫిదా' పదో రోజు రూ. 1.89 కోట్లు రాబట్టింది. ఇప్పుడిది రెండో స్థానానికి పడిపోవడం గమనార్హం.