అజ్ఞాతవాసి బయ్యర్ల గుండెల్లో రైళ్లు.. దిల్ రాజుకు ఎదురుదెబ్బ?

Recommended Video

'అజ్ఞాతవాసి' కలెక్షన్స్ చూస్తే షాకే !

150 కోట్లకుపైగా బిజినెస్

పవన్, త్రివిక్రమ్ కాంబినేషన్‌పై భారీ అంచనాలు నెలకొనడంతో రిలీజ్‌కు ముందే రూ.150 కోట్లకు పైగా బిజినెస్ జరిగింది. డిస్టిబ్యూటర్లు భారీ మొత్తాలను చెల్లించి పంపిణీ హక్కులను దక్కించుకొన్నారు. భారీ కలెక్షన్లపై అంచనాలు పెంచుకొన్నారు.

ప్రతికూల టాక్‌తో దెబ్బ

అజ్ఞాతవాసి రిలీజ్ తర్వాత పరిస్థితి తారుమారైంది. తొలి ఆట నుంచే డివైడ్ టాక్ కాకుండా ఫ్యాన్స్ నుంచే ప్రతికూల స్పందన వ్యక్తం కావడం సినిమా కలెక్షన్లపై దెబ్బ పడింది.

కలెక్షన్లపై జై సింహా ఎఫెక్ట్

అజ్ఞాతవాసి చిత్రానికి భారీగా అడ్వాన్సు బుకింగ్ జరుగడంతో తొలి, రెండో రోజు కలెక్షన్లు పెద్ద మొత్తంలో వచ్చాయి. అయితే జై సింహ, గ్యాంగ్ చిత్రాలు రావడంతో కొంత మొత్తంలో వసూళ్ల సన్నగిల్లే అవకాశం ఉంది.

నికరంగా 150 కోట్ల వసూళ్లు

బయ్యర్లు, డిస్టిబ్యూటర్లు గట్టెక్కాలంటే అజ్ఞాతవాసి చిత్రం నికరంగా రూ. 150 కోట్లు వసూలు చేయాల్సిందే. ఆ మొత్తంలో కలెక్షన్లు వస్తే తప్ప బయ్యర్లకు ఉపశమనం పొందే ఛాన్స్ ఉంటుంది.

నష్టాల శాతం తగ్గే అవకాశం

ఒకవేళ వారాంతంలో అజ్ఞాతవాసి చిత్రం పుంజుకొంటే ఏరియాల వారీగా నష్టాల శాతం తారుమారై అవకాశం ఉంది. ప్రధానంగా నైజాం, ఉత్తరాంధ్ర డిస్టిబ్యూటర్లు భారీగా నష్టపోయే అవకాశం ఉందనే మాట వినిపిస్తున్నది.

నైజాంలో దిల్ రాజు భారీగా..

అజ్ఞాతవాసి నైజాం హక్కులను ప్రముఖ నిర్మాత దిల్ రాజు రూ.29 కోట్లకు దక్కించుకున్నారనేది ఇండస్ట్రీ టాక్. ఈ చిత్రానికి నెగిటివ్ టాక్ ఉన్న నేపథ్యంలో దిల్ రాజుకు చుక్కలు కనపడుతున్నాయట. పండగ రోజుల్లో నమోదయ్యే వసూళ్లను బట్టే దిల్ రాజు లాభనష్టాలు ఎంతో తేలుతాయి.

ఓవర్సీస్‌లోనూ అదే పరిస్థితి..

ఇక ఓవర్సీస్‌ హక్కులను సుమారు రూ.19 కోట్లు చెల్లించి ఎల్‌ఏ తెలుగు అనే సంస్థ దక్కించుకొన్నది. తొలిరోజు సుమారు రూ.15 కోట్లు గ్రాస్ కలెక్షన్లను రాబట్టింది. ఉత్తర అమెరికాలో లాభాల్లోకి వచ్చే పరిస్థితి కూడా కనిపించడం లేదు అనేది మీడియా టాక్.