దోశ సాక్షిగా...: అతడితో హీరోయిన్ అంజలి లవ్ ఎఫైర్ నిజమే?

దోశ తేల్చిన నిజం

తమిళ నటుడు జై అంజలి కోసం దోసె వేసి.. ఆమెతో కలిసి దిగిన ఫొటోను షేర్‌ చేశారు. దీనికి అంజలి స్పందిస్తూ.. ‘రుచికరమైన దోసె జై.. ప్రియమైన వ్యక్తులు మన కోసం వండితే ఎంత బావుంటుందో' అని ట్వీట్‌ చేశారు.

దోశ వేసినంత మాత్రాన ప్రేమేనా?

దోశ వేసినంత మాత్రాన ప్రేమేనా? అనే సందేహం రావొచ్చు. అయితే ఈ దోశ వెనక చాలా స్టోరీ ఉంది. జ్యోతిక నటించిన ‘మగలిర్‌ ముట్టుమ్‌' అనే చిత్రం టీజర్‌ ఇటీవల విడుదలైంది. అందులో ఇంట్లో అందరి కోసం లెక్కకు మించిన దోసెలు వేసే అమ్మ, శ్రీమతి కోసం ఎవరైనా ఒక్క దోసె వేశారా? అనే పాయింట్‌ను ఎత్తి చూపారు. దీంతో హీరో సూర్య తన భార్య జ్యోతిక కోసం ఇంట్లో దోసె వేసి ‘దోసె ఛాలెంజ్‌' అంటూ పలువురు సినీ ప్రముఖులను ట్యాగ్‌ చేశారు.

అంజలి కోసం

అమ్మ, శ్రీమతి కోసం దోశలు వేయడమే ఈ చాలెంజ్... కానీ హీరో జై కూడా దీన్ని చాలెంజ్ గా తీసుకుని... అంజలి కోసం దోసె వేసారు. అంజలి కూడా తన ప్రియమైన వ్యక్తిగా జై గురించి ట్వీట్ చేసింది. వీరి మధ్య ప్రేమ ఉందని అనడానికి ఇంతకంటే సాక్ష్యం అవసరం లేదని అంటున్నారు.

అఫీషియల్‌గా ఖరారు కాలేదు

తమిళ మీడియాలో వినిపిస్తున్న రూమర్సే తప్ప... తాము ప్రేమలో ఉన్నట్లు అటు జై కానీ, ఇటు అంజలి కానీ అఫీషియల్ గా వెల్లడించలేదు.