ఎన్నిసార్లు తగ్గాలన్న బన్నీ.. పట్టువీడని మహేష్.. విడుదల తేదీపై వీడని ఉత్కంఠ

ఫ్యాన్స మధ్య వాగ్వాదం..

సరిలేరు, అల వైకుంఠపురములో రెండూ కూడా భారీ బడ్జెట్ చిత్రాలే కావడం, రెంటికి కూడా భారీ హైప్ క్రియేట్ కావడం సంక్రాంతి పోటీని మరింత రంజుగా తయారు చేసింది. అయితే విడుదల జాప్యమవుతుండటంతో ఆ మజా పోతోంది. ఇక ఈ వ్యవహారంపై ఇరువురి ఫ్యాన్స్ మధ్య వాగ్వాదం కూడా జరుగుతోంది. రిలీజ్ డేట్ల సమస్య రావడానికి బన్నీ.. అతని టీమ్ కారణమని భావిస్తున్న మహేష్ ఫ్యాన్స్ కొందరు ఇప్పటికే బన్నీ సినిమాను బాయ్ కాట్ చెయ్యాలని ఆలోచిస్తున్నారు. ఇదిలా ఉంటే బన్నీ ఫ్యాన్స్ మాత్రం తమ హీరోను వెనకేసుకొస్తూ తప్పు మహేష్ టీమ్ వైపు ఉందని.. సరిలేరు నీకెవ్వరు టీమ్ ఈ పరిస్థితి కి కారణమని కౌంటర్లు ఇస్తున్నారు.

అప్పటి నుంచీ ఈ సమస్య..

నిజానికి మహేష్.. అల్లు అర్జున్ మధ్య పోటీ ఇప్పటిది కాదని తెలుస్తోంది. భరత్ అనే నేను.. నా పేరు సూర్య రిలీజ్ సమయంలో కూడా డేట్ విషయంలో ఇలానే పోటీ వచ్చిందని.. అప్పుడు అల్లు అర్జున్ పరిస్థితిని అర్థం చెసుకుని మహేష్ సినిమాకు కోసం తమ సినిమా డేట్‌ను మార్చుకున్నాడని అంటున్నారు. ఇప్పుడు కూడా అలానే మహేష్ సినిమాకు స్పేస్ ఇవ్వాలని అనుకున్నారట. అందుకే ఒక రోజు ఆలస్యంగా వచ్చేందుకు మొదట్లో సమ్మతించినట్లు టాక్.

బన్నీకి కోపం..

అయితే అగ్రిమెంట్ ప్రకారం థియేటర్లు ఇవ్వరని.. మహేష్ సినిమా వైపు దిల్ రాజు మొగ్గు చూపుతున్నాడని సమాచారం అందడంతో బన్నీకి కోపం వచ్చిందని.. తగ్గే కొద్ది కావాలని రెచ్చగొడుతున్నారని భావించి పోటీకి సై అన్నాడని తెలుస్తోంది. ఒకే రోజు రిలీజ్ చేస్తే అప్పుడు సత్తా తెలుస్తుందని డిసైడ్ అయ్యాడని టాక్. ఈ సమయం లోనే సరిలేరు నీకెవ్వరు కంటే ఒక రోజు ముందు వస్తే అడ్వాంటేజ్ ఉంటుందని.. క్లాష్ కూడా అవసరం లేదని చెప్పడంతో అలాగే ఫిక్స్ అయ్యారని సమాచారం.

మహేష్ మొండిపట్టు..

ఈ విషయం తెలిసి మహేష్ కూడా 'అల వైకుంఠపురములో' ఎప్పుడు రిలీజ్ చేస్తే తమ సినిమాను అప్పుడు రిలీజ్ చెయ్యాలని పట్టుబడుతున్నాడట. మరి చివరకు ఏం జరుగుతుందో చూడాలి. రెండూ ఒకే రోజే వస్తాయా? వచ్చినా అవి జనవరి 10న వస్తాయా? లేదా జనవరి 11 వస్తాయా? అన్నది వేచి చూడాలి.