twitter
    For Quick Alerts
    ALLOW NOTIFICATIONS  
    For Daily Alerts

    అల్లు అర్జున్ అండతోనే ఎలక్షన్ టిక్కెట్

    By Srikanya
    |

    Allu Arjun's father in law contesting elections
    హైదరాబాద్ : ఇది ఎలక్షన్ సీజన్. టిక్కెట్ కోసం ట్రై చేసేవారు, పాత పార్టీ వదిలి కొత్త పార్టీలలోకి జంప్ అయ్యేవారు ఎక్కడ చూసినా కనపడతారు. తాజాగా అల్లు అర్జున్ మామగారైన చంద్ర శేఖర్ రెడ్డి కూడా ఎలక్షన్స్ నిలబడటానికి ప్రయత్నిస్తున్నట్లు సమాచారం. అల్లు అర్జున్ ,చిరంజీవి అండతో ఆయన కాంగ్రేస్ టిక్కెట్ కోసం ట్రై చేస్తున్నట్లు తెలుస్తోంది. ఆయన ఇబ్రహీంపట్టణం నియోజకవర్గం నుంచి పోటీ చేయనున్నారు. రంగారెడ్డి జిల్లా ఇబ్రహీం పట్టణం లోని సైన్స్ ఇనిస్టిట్యూట్ ఆఫ్ టెక్నాలిజీకు కంచర్ల చంద్రశేఖర్ రెడ్డి ఛైర్మన్. ఆయనకు ఆ ప్రాంతంలో మంచి పలుకుబడి ఉంది.

    ఇక నిన్న సాయింత్రం అల్లు అర్జున్‌ హీరోగా రూపొందిన చిత్రం రేసు గుర్రం. శ్రుతిహాసన్‌ హీరోయిన్. సురేందర్‌రెడ్డి దర్శకుడు. తమన్‌ స్వరాలందించారు. నల్లమలుపు శ్రీనివాస్‌ (బుజ్జి), డా||కె.వెంకటేశ్వరరావు నిర్మాతలు. తొలి సీడీని చిరంజీవి ఆవిష్కరించారు. దర్శకుడు వి.వి.వినాయక్‌ స్వీకరించారు. అల్లు అర్జున్‌ గురించి సమాచారాన్ని తెలిపే ఓ ఆప్‌ని కూడా ఇదే వేదికపై విడుదల చేశారు.

    చిరంజీవి మాట్లాడుతూ.. ''బన్నీ హీరో కావాలని కోరుకున్న మొదటి వ్యక్తిని నేను. 'డాడీ'చిత్రంలో డ్యాన్స్‌ వేసే కుర్రాడి పాత్ర కోసం అనుకుంటే అల్లు అర్జునే గుర్తొచ్చాడు. ఆ ఒకటిన్నర నిమిషం సన్ని వేశంతో ఇండస్ట్రీ దృష్టిలో పడ్డాడు. క్రమశిక్షణ, కష్టపడే తత్వం బన్నీకి ఉన్నాయి. అవే అతనికి మంచి ఫలితాల్నిస్తున్నాయి. సురేందర్‌ రెడ్డి తీసిన 'కిక్‌' సినిమాని ఇటీవలే టీవీలో చూశాను. చాలా నచ్చింది. ఆ సమయంలో నేను రవితేజలా ఉండుంటే ఆ సినిమాని నేనే చేసేవాడినేమో అనిపించింది. చాలా మంచి దర్శకుడు సురేందర్‌రెడ్డి'' అన్నారు. చిత్ర పరిశ్రమలో నిర్మాతల పరిస్థితి గురించి చిరంజీవి మాట్లాడుతూ ''నిర్మాత లేకపోతే సినిమానే లేదు. ప్రతి ఒక్కరూ నిర్మాత బాగోగులు చూసి నడుచుకోవాలి. నిర్మాతకు విలువనిచ్చినప్పుడే పరిశ్రమ నిలబడుతుంది. ప్రతిభావంతులైన సాంకేతిక నిపుణులు కలిసి చేసిన ఈ చిత్రం మంచి ఫలితాన్ని ఇవ్వాలని కోరుకుంటున్నా'' అన్నారు.

    English summary
    
 Allu Arjun's father in law, Chandrasekhar Redddy is planning to contest upcoming general elctions. Buzz is he is keen to contest from Ibrahimpatnam assembly constituency. talk is Mega Star Chiranjeevi is using his influence to get him Congress ticket.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X