హోమ్

గాసిప్స్

ముంబై: మాజీ జబర్దస్త్ యాంకర్ అనసూయ మరోసారి వార్తల్లోకి ఎక్కింది. అనసూయ పవన్ కళ్యాణ్ సినిమాలో అవకాశాన్ని కాదనడమే అందుకు కారణం. నిజానికి, పవన్ కళ్యాణ్ సినిమాలో నటించడానికి ఎవరైనా ఇట్లే ఒప్పేసుకుంటారు. ఆ అవకాశం రావడమే గొప్ప అనుకుంటారు. కానీ అనసూయ మాత్రం పవన్ సినిమా అంటే నో అనేస్తోంది.

కారణం ఏదైన అంతకు ముందు అత్తారింటికి దారేది సినిమాలో ఓ ఐటెం సాంగ్ చేయమంటే గతంలో నిరాకరించింది. ఇలాంటి సినిమా పాటల్లో ఆడి పాడితే ఏం గుర్తింపు వస్తుంది అందుకే ఆ అవకాశం వదులుకున్నా అని సూటిగా చెప్పేసింది. దాంతో పవన్ ఫ్యాన్స్ ఆగ్రహానికి గురైంది. ఇటీవల విడుదలైన పవన్ కళ్యాణ్, వెంకటేష్ నటించిన మల్టీస్టారర్ మూవీ గోపాల గోపాలలో కూడా అవకాశం వచ్చిందట అయితే దాన్ని కూడా సున్నితంగా తిరస్కరించిందట.

ఆపాత్రకు ఆ సినిమాలో పెద్దగా ప్రాదాన్యం లేకపోవటంతో ఒప్పుకోలేదని ఓ టీవీ ఛానల్ షోలో చెప్పింది అనసూయ. గోపాల గోపాల చిత్రంలో అనీషా అంబ్రోస్ చేసిన టీవి ఛానల్ యాకంర్ పాత్ర అది. నాగార్జున సరసన సోగ్గాడే చిన్ని నాయన చిత్రంలో ఓ పాత్ర చేయటానికి అంగీకరించిన విషయం తెలిసిందే.

ఇదే కాక కొత్త దర్శకుడు ర‌వికాంత్ పారేపు ద‌ర్శ‌క‌త్వం లో తెరకెక్కుతున్న క్ష‌ణం లో కూడా న‌టించ‌టానికి అంగీక‌రించింది. ఈ మధ్య జరిగిన గామా అవార్డు ఫంక్షన్ లో చేసిన పాటలు ఐటెం సాంగ్స్ కి ఏమి తక్కువ లేదన్నట్లు ఉన్నాయి. కానీ పవన్ కళ్యాణ్ సినిమాలో నటించటానికి మాత్రం ససేమిరా ఒప్పుకోవటం లేదు. కారణం ఏమిటో అనసూయకే తెలియాలి.