ప్రియుడికి దూరంగా ఉండలేకే దీపిక అంత పని చేసిందా?

పద్మావతి కోసమా? ప్రియుడి కోసమా?

సంజ‌య్ లీలా భ‌న్సాలీ ద‌ర్శ‌క‌త్వం వ‌హిస్తున్న `ప‌ద్మావ‌తి` చిత్రంలో బిజీగా ఉండ‌టం వల్లనే హాలీవుడ్ అవకాశాన్ని వదులుకుందనే ప్రచారం జరుగుతున్నప్పటికీ.... అసలు విషయం అది కాదని, ప్రియుడికి దూరంగా ఉండాల్సి వస్తుందని, లైఫ్‌ను ఎంజాయ్ చేసే సమయాన్ని కోల్పోవడం ఇష్టం లేకనే ఈ నిర్ణయం తీసుకుందని గుసగుసలు వినిపిస్తున్నాయి.

దీపిక-రణవీర్

`రామ్‌లీలా`, `బాజీరావు మ‌స్తానీ` చిత్రాల త‌ర్వాత దీపికా, ర‌ణ్‌వీర్‌లు `ప‌ద్మావ‌తి` చిత్రంలో జంట‌గా న‌టిస్తున్నారు. ఇందులో షాహిద్ క‌పూర్ కూడా కీల‌క పాత్ర పోషిస్తున్నాడు. ర‌ణ్‌వీర్ `అల్లాఉద్దీన్ ఖిల్జీ`గా, షాహిద్ ప‌ద్మావ‌తి భ‌ర్త `ర‌త‌న్ సింగ్‌`గా న‌టిస్తున్నారు.

లీక్ ఫోటోలతో దర్శకుడి ఇబ్బంది

దీపిక, రణ్‌వీర్ సింగ్ రొమాన్స్‌లో మునిగితేలుతున్న ఫోటోలు ఇటీవల లీక్ అయ్యాయి. అయితే పద్మావతి సినిమాలో మాత్రం వీరి పాత్రలు భిన్నంగా ఉంటాయట. ఈ నేపథ్యంలో ఇలాంటి ఫోటోల వల్ల దర్శకుడు సంజయ్ లీలా భన్సాలీ ఇబ్బంది పడుతున్నారట.

దీపిక, రణ్‌వీర్ చెట్టాపట్టాల్

ఇటీవల బాలీవుడ్ ప్రముఖ దర్శక, నిర్మాత రితేశ్ సిద్వానీ పుట్టిన రోజు సెలబ్రేషన్స్ ముంబైలో జరిగాయి. ఈ వేడుకలో దీపికా పదుకొనే, రణ్ వీర్ సింగ్ ప్రత్యేక ఆకర్షణగా నిలిచారు. వీరిద్దరూ ఒకే కారులో రావడం విశేషం.

బ్రేకప్ అబద్దమే

హాలీవుడ్ సినిమాలో బిజీగా ఉండటం వల్ల ఆ మధ్య దీపిక పదుకోన్, రణ్ వీర్ సింగ్ కలవడం తగ్గించారు. దీంతో ఇద్దరి మధ్య బ్రేకప్ అయిందని వార్తలు వినిపించాయి. తాజాగా 'పద్మావతి' సినిమాలో నటిస్తున్న వీరిద్దరూ మళ్లీ కలిసిపోయారంటూ ఈ వేడుకకు జంటగా వచ్చిన వీరి ఫోటోలు సోషల్ మీడియాలో వైరల్ అవుతున్నాయి.