అప్పుడు మహేశ్‌కు.. ఇప్పుడు బాలయ్యకు పూరి షాక్.. టైటిల్ ఇదేనంటా..

తనదైన శైలిలో..

తాజాగా యువరత్న బాలకృష్ణతో పూరి సినిమా అంటే సినీ వర్గాలే కాదు. అభిమానులు కూడా షాక్ తిన్నారు. బాలయ్యబాబు, పూరి కాంబినేషన్ అని పెదవి విరిచిన వాళ్లను పట్టించుకోకుండా పూరీ ప్రాజెక్ట్‌ను పట్టాలెక్కించాడు. శరవేగంగా షూటింగ్‌ను తనదైన శైలిలో పూర్తి చేస్తున్నాడు.

టైటిల్ ఏంటీ..

ఇక పూరి, బాలయ్య సినిమా టైటిల్ ఏంటీ అనే ప్రశ్న అప్పుడే మొదలైంది. రకరకాల టైటిల్స్ ప్రచారంలోకి వచ్చాయి. అయితే ప్రస్తుతం ‘టపోరి' అనే టైటిల్ ఫిక్స్ చేసినట్టు జోరుగా ప్రచారమవుతున్నది. అయితే బాలయ్య, పూరీ కాంబినేషన్‌లో సినిమా టైటిల్ ఏమై ఉంటుందా అనే ఆసక్తితో అటు పరిశ్రమ వర్గాలు, ఇటు ప్రేక్షకులు ఎదురుచూస్తున్నారు.

పవర్ ఫుల్ టైటిల్

టైటిల్ తోనే సినిమాపై సగం హైప్స్ తీసుకొచ్చే పూరీ తన తాజా చిత్రానికి కూడా పవర్ ఫుల్ టైటిల్ పెట్టాడని అంటున్నారు. మరి దీనిపై పూర్తి క్లారిటీ రావల్సి ఉంది.

తేదీ నుంచి యూరప్‌కు

గౌతమి పుత్ర శాతకర్ణి తర్వాత 101 చిత్రంగా రూపుదిద్దుకొంటున్న ఈ చిత్రం యాక్షన్ పార్ట్‌ను పూర్తి చేసుకున్నట్టు తెలుస్తున్నది. త్వరలోనే ఈ చిత్ర తొలి షెడ్యూల్ పూర్తి చేసుకొని తదుపరి షెడ్యూల్ కోసం యూరప్ వెళ్లనున్నట్టు సమాచారం. ఏప్రిల్ 7వ తేదీ నుంచి మే 7 తేదీ వరకు లండన్‌లో షెడ్యూల్ జరుపుకోనున్నది.