ప్రభాస్ హెయిర్ స్టైల్ కోసం భారీగా ఖర్చు చేస్తున్న సలార్ టీమ్.. రెండు పాత్రలకు అదే స్థాయిలో..

పెరుగుతున్న అంచనాలు

రెబల్ స్టార్ కాస్త ఇప్పుడు పాన్ ఇండియా స్టార్ అయ్యాడు. ప్రస్తుతం నార్త్ తమిళ్ కన్నడ మలయాళ ప్రేక్షకులు కూడా డార్లింగ్ సినిమా కోసం ఎంతో ఆశగా వేయిట్ చేస్తున్నారు. ముఖ్యంగా సలార్ సినిమా ప్రశాంత్ నీల్ దర్శకత్వంలో తెరకెక్కుతుండడంతో సినిమాపై రోజురోజుకు అంచనాల స్థాయి పెరిగిపోతోంది.

KGF కంటే ఎక్కువగా

ఇక సలార్ సినిమాలో ప్రభాస్ రెండు విభిన్నమైన పాత్రల్లో కనిపిస్తాడని మొదటి నుంచి ఒక టాక్ అయితే వస్తోంది. బాహుబలి తరహాలో తండ్రి కొడుకుల పాత్రలు ఉంటాయట. ఇంటర్వెల్ లో వచ్చే ట్విస్ట్ సినిమాకు మేజర్ ప్లస్ పాయింట్ అని సమాచారం అది ఎంతవరకు నిజమో తెలియదు గాని సినిమాలో మాత్రం KGF కంటే ఎక్కువగా వోల్టేజ్ యాక్షన్ ఉంటుందని చిత్ర యూనిట్ వివరణ ఇచ్చింది.

హెయిర్ స్టైల్ కోసం..

దర్శకుడు ప్రశాంత్ నీల్ సలార్ సినిమా కోసం బడ్జెట్ విషయంలో ఏ మాత్రం తగ్గడం లేదట. ప్రతి చిన్న సీన్ కోసం అనుకున్న దానికంటే ఎక్కువగా ఖర్చు చేస్తున్నట్లు సమాచారం. ఇక హెయిర్ స్టైల్ కోసం దాదాపు 4లక్షలు ఖర్చు చేస్తున్నట్లు సమాచారం. రెండు పాత్రల కోసం డిఫరెంట్ స్టైల్ ను ఫాలో అవుతున్నారట.

ఖర్చుకు ఏ మాత్రం వెనుకడుగు వేయకుండా

సాధారణంగా ప్రభాస్ కు ఇప్పటివరకు ఆ రేంజ్ లో హెయిర్ కోసం ఖర్చు చేయాల్సిన అవసరం రాలేదు. కానీ ఇప్పుడు సలార్ లో ఫైట్స్ సన్నివేశాల్లో కూడా అద్భుతంగా కనిపించాలని అలాగే ఆ హెయిర్ ను కాపాడుకోవాలి కాబట్టి ఖర్చుకు ఏ మాత్రం వెనుకడుగు వేయడం లేదట. ఇక సినిమాలో శృతి హాసన్ ఒక జర్నలిస్ట్ పాత్రలో నటిస్తున్న విషయం తెలిసిందే.