హోమ్

గాసిప్స్

మెగాస్టార్ చిరంజీవి తన 152వ ప్రాజెక్టుతో బిజీగా ఉన్న సంగతి తెలిసిందే. ఇటీవలే షూటింగ్ ప్రారంభించుకున్న ఈ మూవీ.. ప్రెసెంట్ సెట్స్‌పై ఉంది. బలమైన స్క్రిప్ట్‌తో ఎన్నో జాగ్రత్తలు తీసుకుంటూ ఫ్యాన్ ఇండియా సినిమాగా ఈ మూవీ రూపొందిస్తున్నారు కొరటాల శివ.

ఇక ఈ సినిమాలో చిరంజీవి సరసన త్రిష హీరోయిన్‌గా కన్ఫర్మ్ అయింది. కథ ప్రకారం మరి హీరోయిన్‌కి కూడా చోటు ఉండటంతో అనుష్కను సంప్రదించినట్లు టాక్. ఇకపోతే ఈ మూవీలో యంగ్ హీరోయిన్ రెజీనాతో ఐటెం సాంగ్ చేయించారట కొరటాల. ఇప్పటికే ఈ సాంగ్ షూట్ పూర్తయినట్లు తెలుస్తోంది. ఈ ఐటెం నంబర్‌లో చిరంజీవి సరసన తన స్టెప్పులతో అదరగొట్టిందట రెజీనా.

రెజీనా డాన్స్ మూమెంట్స్‌కి చిరంజీవి సైతం ఆశ్చర్యపోయాడని టాక్ బయటకొచ్చింది. 'ఇస్మార్ట్ శంకర్' సినిమాలో ధిమాక్ ఖరాబ్ సాంగ్ రేంజ్ లోనే ఓ ఊపు ఊపేసేలా ఈ పాటను కంపోజ్ చేశాడట మణిశర్మ. బాణీలకు తగ్గట్టుగా రెజీనా కూడా చించేసిందని తెలుస్తోంది.

దేవ‌దాయ శాఖ‌లో జ‌రుగుతున్న అవినీతిని ఎత్తిచూపే క‌థాంశంతో ఈ సినిమా ప్రేక్ష‌కుల రానుందని తెలుస్తోంది. చిత్రంలో రామ్ చరణ్ కూడా భాగమై ఓ ముఖ్యపాత్ర పోషిస్తున్నట్లు సమాచారం. మొత్తానికైతే ఈ సినిమాపై షూటింగ్ దశలోనే భారీ అంచనాలు నెలకొంటుండటం విశేషం.