రవితేజకు రాములమ్మ ఝలక్.. నీకు తల్లిగానా.. నో అంటూ..

అక్కడ రాములమ్మ ఫుల్ బిజీ

సినిమాలకు బ్రేక్ ఇచ్చిన తర్వాత రాజకీయాల్లోకి ఎంట్రీ ఇచ్చిన రాములమ్మ.. తెలుగు రాష్ట్రాల్లో తన మార్కును చూపించారు. ఎంపీగా విజయం సాధించిన తర్వాత మరింత స్పీడు పెంచారు. తెలంగాణ ఉద్యమంలో కూడా కీలక పాత్ర పోషించారు. ఆ తర్వాత పార్టీ మారడంతో కొంచెం వెనుకబడ్డారు. ఇక, రీఎంట్రీలో మాత్రం దుమ్ము దులుపుతున్నారు. సోషల్ మీడియా వేదికగా ఆమె అధికార పార్టీపై విమర్శనాస్త్రాలు సంధిస్తున్నారు.

విజయశాంతి రీఎంట్రీ

విజయశాంతి టాలీవుడ్‌లోకి రీ ఎంట్రీ ఇస్తున్నారు. సక్సెస్‌ఫుల్ డైరెక్టర్ అనిల్ రావిపూడి దర్శకత్వంలో సూపర్ స్టార్ మహేశ్ బాబు నటిస్తున్న చిత్రం ‘సరిలేరు నీకెవ్వరు'. ఇందులో మహేశ్ ఆర్మీ మేజర్‌గా నటిస్తున్నాడు. ఈ సినిమాను అనిల్ సుంకర, దిల్ రాజులతో కలిసి మహేష్ బాబు స్వయంగా నిర్మిస్తున్నారు. ఇందులో మహేశ్ సరసన రష్మిక మందన్న నటిస్తుండగా, ఈ సినిమా ద్వారా లేడీ అమితాబ్ విజయశాంతి మరోసారి మేకప్ వేసుకుంటున్నారు.

ఆ పాత్రకు అనూహ్య స్పందన

‘సరిలేరు నీకెవ్వరు'లో విజయశాంతి పాత్ర అద్భుతంగా ఉండబోతుందని టీజర్, లుక్స్ చూస్తే అర్థం అవుతోంది. ఇటీవల విడుదలైన టీజర్‌లో ఆమె చెప్పిన డైలాగ్‌కు విశేష స్పందన వస్తోంది. అలాగే, సినిమాలో ఆమె లుక్‌ కూడా ఎంతో హుందాగా కనిపిస్తోంది. దీంతో రాములమ్మ అభిమానులు ఫుల్ ఖుషీ అయిపోతున్నారు.

అప్పుడే తీసుకుందామనుకున్నాడు

విజయశాంతి అంటే దర్శకుడు అనిల్ రావిపూడికి ఎంతో ఇష్టమట. అందుకే ఆమెను గతంలోనే టాలీవుడ్‌లోకి రీఎంట్రీ ఇవ్వాలని ఆయన ప్రయత్నించాడని తెలిసింది. ఇందులో భాగంగా ఓ హీరో కోసం రాసిన ఓ స్క్రిప్టులో రాములమ్మకు కూడా అత్యంత ముఖ్యమైన పాత్రను క్రియేట్ చేశాడట. అయితే, ఆ సినిమాను ఆ హీరో ఒప్పుకోకపోవడంతో విజయశాంతిని సంప్రదించలేదని తాజాగా ఓ వార్త బయటకు వచ్చింది.

Recommended Video

#CineBox : Allu Arjun Is taking Huge Remuneration For Trivikram Srinivas's 'Ala Vaikuntapuramlo'?

రిజెక్ట్ చేసిన రాములమ్మ

మరో హీరో కోసం రాసిన స్క్రిప్టులో కొన్ని మార్పులు చేసి రవితేజతో అనిల్ చేసిన సినిమా ‘రాజా ది గ్రేట్'. ఇందులో మాస్ మహారాజ కళ్లు లేని వ్యక్తిగా కనిపించాడు. అతడికి తల్లిగా సీనియర్ నటి రాధికను తీసుకున్నారు. ఈమె కంటే ముందు ఈ పాత్ర కోసం అనిల్ రావిపూడి.. విజయశాంతిని సంప్రదించాడట. కానీ, సీనియర్ హీరో రవితేజ తల్లిగా చేయడానికి ఆమె ఒప్పుకోలేదని తెలిసింది. ప్రస్తుతం ఈ వార్త ఇండస్ట్రీలో హాట్ టాపిక్ అవుతోంది.