1000 కోట్ల మహాభారతంలో...... మన మహేష్ బాబు కూడా?

మహాభారతంలో శ్రీకృష్ణుడిగా మహేష్ బాబు పేరు వినిపిస్తోంది. ఈ ప్రతిష్టాత్మక ప్రాజెక్టులో నటించేందుకు మహేష్ బాబు కూడా ఎంతో ఆసక్తిగా ఉన్నారనే ప్రచారం జరుగుతోంది.

By Bojja Kumar

Updated: Thursday, April 20, 2017, 9:19 [IST]

హైదరాబాద్: మోహన్ లాల్ ప్రధాన పాత్రలో రూ. 1000 కోట్ల బడ్జెట్ తో 'మహాభారతం' మూవీ త్వరలో తెరకెక్కబోతుండగా.... పలు ఆసక్తికర కథనాలు ప్రచారంలోకి వస్తున్నాయి. ఈ చిత్రంలో ఇతర పాత్రలకు ఇండియన్ సినీ రంగంలోకి ప్రముఖులను ఎంపిక చేయబోతున్నారు.

ప్రముఖ రచయిత ఎంటీ వాసుదేవన్ నాయర్ రాసిన రాండామూజమ్ నవల ఆధారంగా ఈ సినిమాను ప్లాన్ చేస్తున్నారు. మహాభారతంలో భీముని పాత్ర కోణంలో, పాండవుల కథ నేపథ్యంగా ఈ సినిమాను తెరకెక్కించేందుకు సన్నాహాలు చేస్తున్నారు. మళలయాల నటుడు మోహన్ లాల్ ఇందులో ప్రధానమైన భీముడి పాత్రలో కనిపించబోతున్నారు. ఎన్నారై పారిశ్రామిక వేత్త బీఆర్ శెట్టి రూ. 1000 కోట్లతో ఈ సినిమా నిర్మించబోతున్నారు.

మహేష్ బాబు

ఈ మహాభారతంలో శ్రీకృష్ణుడిగా మహేష్ బాబు పేరు వినిపిస్తోంది. ఈ ప్రతిష్టాత్మక ప్రాజెక్టులో నటించేందుకు మహేష్ బాబు కూడా ఎంతో ఆసక్తిగా ఉన్నారనే ప్రచారం జరుగుతోంది. అయితే ఈ పాత్రను చేయడానికి అమీర్ ఖాన్ కూడా ఆసక్తిగా ఉన్నారు. చివరకు ఎవరు ఫైనల్ అవుతారో చూడాలి.

అమితాబ్ లాంటి స్టార్స్ కూడా

ఈ సినిమాలో భీష్ముడి పాత్రకు బాలీవుడ్ మెగాస్టార్ అమితాబ్ అయితేనే పర్ఫెక్టుగా సూటవుతారని చిత్ర యూనిట్ భావిస్తున్నట్లు సమాచారం. భీష్ముడిగా అమితాబ్ .. అర్జునుడిగా హృతిక్ రోషన్ పేర్లు వినిపిస్తున్నాయి.

1000 కోట్ల బడ్జెట్ ఎందుకంటే

ఈ సినిమాకు వెయ్యి కోట్ల బడ్జెట్ కేటాయించడానికి కారణం..... ఈ సినిమాను హాలీవుడ్ స్టాండర్డ్స్ తో తెరకెక్కించడానికి ప్లాన్ చేయడమే. దీనికి తోడు భారీ తారాగణాన్ని తీసుకోవడం కూడా బాగా ఖర్చుతో కూడుకున్న వ్యవహారం కాబట్టి రూ. 1000 కోట్ల బడ్జెట్ లో సినిమాను ప్లాన్ చేస్తున్నారు.