నందమూరి మోక్షజ్ఞ సినీ ఎంట్రీ కన్ఫర్మ్.. బాలకృష్ణ పవర్‌ఫుల్ ప్లాన్.. ఇదే జరిగితే!!

మోక్షజ్ఞ సినీ ఆరంగేట్రం.. అతనొక్కడే మిగిలింది

ఇప్పటికే నందమూరి వంశం ఎంతో మంది హీరోలు సినీ ఆరంగేట్రం చేసిన సంగతి తెలిసిందే. ఇక ఆ వంశం నుంచి వెండితెరపై కాలు మోపేందుకు ఒక్క బాలయ్య తనయుడు మోక్షజ్ఞ మాత్రమే మిగిలిపోయాడు. ఇతను సినిమాల్లోకి రాబోతున్నాడని ఎప్పటినుంచో వార్తలు వస్తున్నప్పటికీ.. ఎలాంటి అఫీషియల్ స్టేట్‌మెంట్ రాలేదు.

బాలకృష్ణ భారీ ప్లాన్..

నిజానికి ఈ పాటికే మోక్షజ్ఞ ఇండస్ట్రీకి పరిచయం కావాల్సి ఉంది. కానీ ఆయన మాత్రం నటనపై ఆసక్తి చూపకపోవడం కారణంగానే ఇన్ని రోజులు ఆలస్యమవుతోందని టాక్. ఓ వైపు తన కొడుకు కోసం బాలకృష్ణ భారీ లాంఛ్ ప్లాన్ చేస్తున్నా కూడా మోక్షజ్ఞ కాస్త ఆలోచిస్తున్నాడని విశ్వసనీయ వర్గాల సమాచారం.

అంతా ఫిక్సయ్యారు.. ఈ తరుణంలో

మరోవైపు నందమూరి మోక్షజ్ఞకు సినిమాల్లో నటించడం ఇష్టం లేదని, ఆయన తన చదువులపైనే దృష్టి సారిస్తున్నాడని ఇటీవల వార్తల జోరు పెరగడంతో ఇక మోక్షజ్ఞ ఎంట్రీ కష్టమే అని ఫిక్సయ్యారంతా. ఈ పరిస్థితుల్లో మోక్షజ్ఞ ఎంట్రీపై బాలకృష్ణ ఓ కీలక నిర్ణయం తీసుకున్నాడని తెలుస్తోంది.

మోక్షజ్ఞను ఒప్పించిన బాలయ్య.. అక్కడి నుంచి రాగానే

మోక్షజ్ఞకు నటనపై ఆసక్తి చేకూరేలా అమెరికా పంపించి.. న్యూయార్క్‌లో ఉన్న లీ స్టార్స్ బర్గ్ ఫిలిం ఇన్ స్టిట్యూట్‌లో ఒక షార్ట్ టర్మ్ క్రాష్ కోర్స్ ఇప్పించాలని ఫిక్స్ అయ్యారట. ఈ మేరకు అమెరికా వెళ్ళే విధంగా మోక్షజ్ఞను బాలయ్య ఒప్పించినట్లు ఫిలిం నగర్ టాక్. అమెరికా నుంచి రాగానే తన సినిమా సెట్స్ పైకి కూడా తీసుకొస్తూ అతనిలో ఆసక్తి పెంచేలా ప్రయత్నాలు చేస్తారట బాలయ్య.

బాలకృష్ణ- బోయపాటి మూవీ

ఇకపోతే ప్రస్తుతం బాలకృష్ణ- బోయపాటి కాంబోలో తెరకెక్కుతున్న సినిమా షూటింగ్ శరవేగంగా సాగుతోంది. ఈ సినిమాలో బాలయ్య రెండు డిఫరెంట్ గెటప్స్‌లో కనిపించనున్నారని తెలుస్తోంది. ఆయన సరసన శ్రీయ, నయనతారలను ఫైనల్ చేసే ప్రయత్నాలు జరుగుతున్నాయి.