ఇదే నిజమైతే.. ఆ ఇంగ్లీష్ చానెల్ పరువు గంగపాలే..

టీఆర్పీ కోసం..

బాహుబలి2 సినిమా రిలీజ్ అవుతున్న నేపథ్యంలో ఓ చర్చ కార్యక్రమాన్ని ఇటీవల నిర్వహించినట్టు ఆ ఫోటోలో స్పష్టమైంది. నలుగురు మీడియా నిపుణులు చర్చలో ఉన్నారు. బాహుబలి (2017) అంటూ టైటిల్ పెట్టి ఈ చిత్రాన్ని ఒరిజినల్‌గా తమిళంలో రూపొందించారు. ఆ తర్వాత దానిని హిందీ, తెలుగు, కన్నడ భాషలోకి డబ్ చేశారు అని రాశారు. ఆ టీవీ ప్రసారం చేసిన విజ్వుల్స్‌ను నెటిజన్లు సోషల్ మీడియాలో షేర్ చేసి రచ్చరచ్చ చేశారు.

వాస్తవాలు, విషయంపై అవగాహన...

చర్చా కార్యక్రమాన్ని నిర్వహించేటప్పుడు కనీస విషయాలు తెలుసుకోకపోవడం సరికాదు అని పలువరు నెటిజన్లు మండిపడ్డారు. ఇటీవల కాలంలో మీడియా సరైన పరిశోధన చేయకుండా తప్పుడు వార్తలను ప్రచారం చేస్తున్నదనే వాదనకు ఈ కార్యక్రమం మరింత బలం చేకూర్చింది. హంగామా చేయడానికి చేసే ప్రయత్నాల్లో హడావిడిగా టెలివిజన్ ఛానెల్ పప్పులో కాలేస్తుంటాయి.
అందులో భాగమే ఈ పొరపాటు జరిగిందా అని అభిప్రాయం వ్యక్తమవుతున్నది.

ఏకకాలంలో పలు భాషల్లో..

సెన్సేషనల్ డైరెక్టర్ రాజమౌళి దర్శకత్వం వహించిన బాహుబలి2 చిత్రం ఏకకాలంలో తెలుగు, హిందీ, తమిళ, మలయాళ భాషల్లో రూపొందింది. తొలుత తెలుగు చిత్రంగా ప్రారంభమైంది. ఆ తర్వాత వస్తున్న స్పందన చూసి ఏకకాలంలో తమిళ, మలయాళ, కన్నడ, హిందీ భాషల్లోకి విడుదల చేయాలని నిర్ణయించారు.

విశేష ఆదరణ..

శుక్రవారం విడుదలైన బాహుబలి2 సినిమాకు ప్రపంచవ్యాప్తంగా విశేష ఆదరణ లభిస్తున్నది. దేశ విదేశాలలో రికార్డులను తిరుగరాస్తున్నట్టు వార్తలు వెలువడుతున్నాయి. ఇప్పటికే అందిన ప్రాథమిక వివరాల ప్రకారం ప్రపంచవ్యాప్తంగా అన్ని రికార్డులు బ్రేక్ అయినట్టు సమాచారం.