Click it and Unblock the Notifications
పవన్ మీద నమ్మకంతోనే నితిన్ 13 కోట్లు??
హైదరాబాద్ : నితిన్ కి మొదటి నుంచీ పవన్ కళ్యాణ్ అంటే వీరాభిమానం. అందుకుతగినట్లుగానే వరస ఫ్లాపుల్లో ఉన్న అతనికి పవన్ ...ఇష్క్ ఆడియో కి రాగానే అది హిట్టై కెరీర్ మళ్లీ మొదలైనట్లైంది. అంతేగాక..తన తదుపరి చిత్రం గుండె జారి గల్లంతైందిలో పవన్ చిత్రంలోని పాట పెట్టగానే ఆ సినిమా కూడా సూపర్ హిట్టైంది.
ఇప్పుడు ఆ నమ్మకం నిరూపించుకోవటానికా అన్నట్లు పవన్ తాజా చిత్రం అత్తారింటికి దారేది కి నైజాం రైట్స్ తీసుకున్నాడని సమాచారం. అదీ ఓ రేంజి రేటుకు అని ట్రేడ్ వర్గాల్లో వినపడుతోంది. ఫిల్మ్ సర్కిల్సో చెప్పబడుతున్న దాన్ని బట్టి.. 13 కోట్లకు తీసుకున్నాడని చెప్తున్నారు. ఇంత రేటుకు నైజాం రైట్స్ అమ్ముడుపోవటం పెద్ద రికార్డుగా చెప్పబడుతోంది.
అయితే ఇప్పుడు..మరో ప్రక్క రామ్ చరణ్ తాజా చిత్రం ఎవడు వారం తేడాలో విడుదల అవుతోంది. ఎవడు చిత్రాన్ని నైజాం ఏరియా పెద్ద డిస్ట్రిబ్యూటర్ అయిన దిల్ రాజు నిర్మాత. దాంతో ఆయన తన చిత్రం టాక్ ఎలా వచ్చినా థియోటర్స్ లో మినిమం నెల రోజులు పాటు చిత్రాన్ని తీయరు. అలాంటిది ఎవడు కి పాజిటివ్ టాక్ వినపడుతోంది. దాంతో చిత్రాన్ని మంచి థియోటర్ లో నైజాం అంతటా ఉంచుతారు.
ఈ నేపధ్యంలో అత్తారింటికి దారేది చిత్రం నైజాం ఎంత మేరకు రాబడుతుందనే అంచనాలు మొదలయ్యాయి. ఎవడు సూపర్ హిట్ టాక్ వచ్చినప్పుడు...పవన్ కళ్యాణ్ చిత్రం ఎంత పెద్ద హిట్టైనా పోటీ ఖచ్చితంగా ఉంటుంది. రెండూ షేర్ చేసుకోవాల్సిన స్థితి ఉంటుంది. దాంతో నితిన్ ఏ మేరకు లాభపడతాడు అనేది హాట్ టాపిక్ గా మారింది.
Continue with Google