అరవింద సమేత టాలీవుడ్ రికార్డు.. ఎన్టీఆర్ స్టామినా అంటే ఇదే.. శాటిలైట్ హక్కుల రికార్డు!

ఇండస్ట్రీలో ప్రకంపనలు

ఎన్టీఆర్, త్రివిక్రమ్ కాంబినేషన్‌లో వస్తున్న తొలిసారి చిత్రం కావడంతో మొదటి నుంచే భారీగా అంచనాలు నెలకొన్నాయి. ఈ చిత్రానికి విపరీతమైన క్రేజ్ ఏర్పడింది. క్రేజ్ తగినట్టే ప్రీ రిలీజ్ బిజినెస్ ఆఫర్లు వచ్చాయి. ప్రీ రిలీజ్, శాటిలైట్ హక్కుల అమ్మకాలు ఇండస్ట్రీలో ప్రకంపనలు సృష్టిస్తున్నాయి.

టాక్ ఆఫ్ ది టాలీవుడ్

రాయలసీమ బ్యాక్ డ్రాప్‌గా వస్తున్న అరవింద సమేత శాటిలైట్ హక్కుల అమ్మకం టాక్ ఆఫ్ ఇండస్ట్రీగా మారింది. తెలుగు సినిమా పరిశ్రమలోనే కొత్త రికార్డు నెలకొల్పిందనే మాట వినిపిస్తున్నది.

భారీ పోటీ మధ్య రికార్డు ఆఫర్

అరవింద సమేత సినిమా హక్కుల కోసం పలు ఛానెల్లు భారీగానే ప్రయత్నాలు చేశాయి. అయితే ఈ హక్కులను రికార్డు స్థాయిలో రూ.23.5 కోట్లు చెల్లించి జీ టెలివిజన్ ఛానెల్ దక్కించుకొన్నట్టు సమాచారం. అధికారికంగా ఈ వార్త బయటకు రావాల్సి ఉంది.

ఎన్టీఆర్ కెరీర్‌లోనే హయ్యెస్ట్

అరవింద సమేత శాటిలైట్ హక్కుల అమ్మకం ఎన్టీఆర్ కెరీర్‌లోనే హయ్యెస్ట్ అని చెబుతున్నారు. ఇటీవల కాలంలో తెలుగు ఇండస్ట్రీలో ఇదే పెద్ద మొత్తం అని ట్రేడ్ వర్గాలు వెల్లడిస్తున్నాయి. ఈ రేంజ్ అమ్మకం ఎన్టీఆర్ స్టామినాకు అద్దం పట్టిందనే మాట ట్రేడ్ వర్గాల నుంచి వినిపిస్తున్నది.

ప్రీ రిలీజ్ బిజినెస్ ఆఫర్లు

ఇక డిస్ట్రిబ్యూషన్ రైట్స్ విషయంలో కూడా అరవింద సమేతకు భారీ ఆఫర్లు వస్తున్నాయట. ఆంధ్రా ఏరియా హక్కుల కోసం రూ.40 కోట్లు, సుమారు రూ.20 కోట్ల వరకు ప్రీ రిలీజ్ బిజినెస్ జరిగే అవకాశం లేకపోలేదు.

దుమ్మురేపిన ఓవర్సీస్ రైట్స్

ఓవర్సీస్‌లో ఇప్పటికే రూ.12 కోట్ల బిజినెస్ జరిగిన విషయం తెలిసిందే. ఇలా పలు రకాలుగా అరవింద సమేతంగా ప్రీ రిలీజ్ బిజినెస్‌ అన్ని ఏరియాలోనూ కుమ్మిపడేస్తున్నదనేది ట్రేడ్ వర్గాల సమాచారం.