‘మెర్సల్’ మెలిక: తెరపైకి అల్లు అరవింద్, శరత్ మరార్ మౌనం.. పవన్‌ కళ్యాణ్ హీరో కాదు కదా?

మీడియాకు దొరకని శరత్ మరార్, మౌనంగా...

ఈ సినిమా తెలుగు రిలీజ్ రైట్స్ దక్కించుకున్న నిర్మాత శరత్ మరార్ కూడా నోరు విప్పడం లేదు, అసలు ఆయన మీడియాకు దొరకడం లేదు. దీంతో మెర్సల్ తెలుగు విషయంలో కొత్త వార్తలు తెరపైకి వచ్చాయి.

తెరపైకి అల్లు అరవింద్ పేరు?

ఎవరూ ఊహించని విధంగా ప్రముఖ నిర్మాత అల్లు అరవింద్ పేరు తెరపైకి వచ్చింది. మెర్సల్ తెలుగు రీమేక్ రైట్స్ గీతా ఆర్ట్స్ అధినేత కొనుగోలు చేశారంటూ ప్రచారం మొదలైంది. ఈ సినిమాను తెలుగులో స్టార్ హీరోతో చేసేందుకు ప్లాన్ చేస్తున్నారట.

నిజంగా అలా జరుగుతుందా?

మెర్సల్ సినిమా తెలుగులో ‘అదిరింది' పేరుతో డబ్ అయి, తెలుగు వెర్షన్ సెన్సార్ కార్యక్రమాలు కూడా పూర్తి చేసుకుంది. సినిమా రిలీజ్ అవుతుందని ఆన్‌లైన్ టిక్కెట్లు కూడా ఇష్యూ చేశారు. అయితే చివరి నిమిషంలో సినిమా విడుదల ఆగిపోవడంతో టికెట్ డబ్బులు వెనక్కి ఇచ్చేశారు. థియేటర్ వరకు వచ్చిన ఓ డబ్బింగ్ సినిమా రిలీజ్ ఆపి... దాని రీమేక్ రైట్స్ మరో నిర్మాత దక్కించుకోవడం లాంటివి అసలు జరుగుతాయా? ఏమో... ప్రస్తుతం ప్రచారంలోకి వచ్చిన వార్తలు వింటుంటే ఏది నమ్మాలో... నమ్మకూడదో అర్థం కావడం లేదు.

పవన్ కళ్యాణ్ హీరో కాదుకదా?

అల్లు అరవింద్ ‘మెర్సల్' తెలుగు రీమేక్ రైట్స్ దక్కించుకున్నట్లు గాలివార్తలు విన్న తర్వాత రకరకాలుగా చర్చించుకుంటున్నారు. ఈ సినిమానుగానీ పవన్ కళ్యాణ్ హీరోగా రీమేక్ చేయరు కదా? అంటూ కొందరు సందేహ పడుతున్నారు.

ఒక వేళ పవన్ కళ్యాణ్ హీరోగా రీమేక్ చేస్తే...

పవన్ కళ్యాణ్ ఈ మధ్య చాలా రీమేక్ సినిమాలు చేశారు. మెర్సల్ తెలుగు వెర్షన్ ఆయనతో రీమేక్ చేస్తే..... పొలిటికల్ పరంగా ఈ సినిమా ప్లస్సయ్యే అవకాశం ఉందని అంటున్నారు. ఆల్రెడీ మెర్సల్ మూవీలోని కొన్ని సీన్లు, డైలాగులు రాజకీయ వివాదాన్ని రేకెత్తించిన సంగతి తెలిసిందే.