ఆహాలో అత్యధిక పేమెంట్స్.. సమంత, తమన్నాలకు ఎంత ఇస్తున్నారో తెలుసా?

కొత్తగా ఆలోచిస్తున్న అల్లు అరవింద్

ఓటీటీ ప్రపంచంలో అనేక రకాల సంస్థలు ఎక్కువగా సినిమాలతోనే జనాలను ఎట్రాక్ట్ చేస్తున్నాయి. వీలైనంత వరకు పెద్ద సినిమా హక్కులను కొనుగోలు చేసి బిజినెస్ వాల్యును పెంచుకుంటున్నారు. అయితే ఆహా యాప్ విషయంలో మాత్రం అల్లు ఆరవింద్ ఆలోచన విధానం చాలా డిఫరెంట్ గా ఉంది. కేవలం సినిమాలపైనే ఫోకస్ చేయకుండా రియాలిటీ షోలతో హైప్ క్రియేట్ చేయాలని డిసైడ్ అయ్యారు. అది కూడా అగ్ర తారలతో..

రెమ్యునరేషన్ కూడా గట్టిగానే..

అదే విధంగా రెగ్యులర్ వెబ్ సిరీస్ లు కాకుండా కాస్త డిఫరెంట్ గా ట్రై చేయాలని అనుకున్నట్లు ఇటీవల క్లారిటీ ఇచ్చేశారు. సమంత సామ్ జామ్ తో పాటు తమన్నా లేవంత్ హావర్ వెబ్ సిరీస్ లు జనాలను ఎక్కువగా ఎట్రాక్ట్ చేస్తున్నట్లు అర్ధమవుతోంది. ఇక ప్రస్తుతం వీరి రెమ్యునరేషన్ విషయం కూడా సోషల్ మీడియాలో హాట్ టాపిక్ గా మారింది. ఇద్దరికి దాదాపు కోటికి పైగానే ఇస్తున్నారట.

సమంత కంటే తమన్నాకే ఎక్కువ

అయితే సమంత కంటే తమన్నాకే ఎక్కువ రెమ్యునరేషన్ అందుతున్నట్లు తెలుస్తోంది. తమన్నా చేస్తున్న వెబ్ సిరీస్ కు దాదాపు రూ.1.8కోట్ల వరకు అందుతుమనట్లు సమాచారం. ఇక సమంత అన్ని ఎమోషన్స్ ని మిక్స్ చేసి సామ్ జామ్ అనే టాక్ షోను స్టార్ట్ చేసిన విషయం తెలిసిందే. ఇక ఆమెకు ఒక కోటి రూపాయల వరకు పారితోషికం అయితే అందుతుందట. ఇది ఒక పది రోజులు మాత్రమే అయ్యి ఉండవచ్చని కూడా టాక్ వస్తోంది.

Divi Vadthya Pic Goes Viral In Social Media

రానున్న రోజుల్లో స్టార్ హీరోలు కూడా

హీరోయిన్స్ గానే కాకుండా సమంత, తమన్నా ఓటీటీ ప్రపంచంలో కూడా వారి ఆదాయాన్ని మరింత పెంచుకుంటున్నారు. ఇక రానున్న రోజుల్లో స్టార్ హీరోలు కూడా ఇలాంటి అడుగులు వేయడానికి రెడీగా ఉన్నారు. ఆహాలో సమంత టాక్ షో అయితే బాగానే క్లిక్కయ్యింది. మొదట విజయ్ దేవరకొండ రాగా ఆ తరువాత రానా, నాగ్ అశ్విన్ గెస్టులుగా వచ్చారు. ఇక నెక్స్ట్ మెగాస్టార్ చిరంజీవి ఇంటర్వ్యూతో రాబోతోంది సమంత.