Click it and Unblock the Notifications
దేవిశ్రీ ప్రసాద్ హీరోగా ఆ స్టార్ డైరక్టర్..?
ఇక యూత్ సబ్జెక్ట్స్ ని డీల్ చేయటంలో సుకుమార్ ది అందె వేసిన చేయి. దానికి తోడు దేవికి,సుకుమార్ కు మధ్య మంచి రిలేషన్ ఉంది. సుకుమార్ సినిమాలన్నిటికి దేవినే మ్యూజిక్ డైరక్టర్. కెరీర్ మొదటి నుంచి దేవి తో సుకుమార్ ప్రయాణం సాగుతోంది. దాంతో సుకుమార్ పూనుకుని దేవిని హీరో చేద్దామని ఫిక్స్ అయ్యాడని ఫిల్మ్ నగర్ టాక్. ఈ నేపధ్యంలో తెలుగు,తమిళ భాషల్లో పేరొందిన ఓ నిర్మాత అతనితో సినిమా చేయటానికి ఆసక్తి చూపుతున్నాడని వార్త.
అలాగే తన మొదటి సినిమా ఓ మ్యూజికల్ ఎంటర్టైనర్ గా ఉండాలని దేవి బావిస్తున్నట్లు తెలుస్తోంది. అప్పట్లో ఎమ్.ఎస్.రాజు ఆ ధైర్యం చేద్దామని ఊగారు కాని తన కొడుకునే సీన్ లోకి తేవాల్సిన అవసరం రావటంతో సైలెంట్ అయ్యిపోయారు. ఇక దేవి కూడా ఈ సారి హీరోగా ఎంట్రీ ఇవ్వాలని ఆసక్తిగా ఉన్నట్లు చెప్తున్నారు.
గతంలో దేవి మీడియాతో మాట్లాడుతూ... నేను హీరోగా నటిస్తాననీ వార్తలు వస్తూనే ఉన్నాయి. చేయాలని ఉంది. కానీ కథ నచ్చాలి. అది నన్ను వెంటాడాలి. అలాంటప్పుడు నటించడానికేం అభ్యంతరం లేదు అంటున్నారు ప్రముఖ సంగీత దర్శకులు దేవిశ్రీ ప్రసాద్. ఆయన మీడియాతో మాట్లాడుతూ...తను సినిమా చేయాలంటే వేసుకోవాల్సిన వర్కింగ్ ప్లాన్ చెప్పుకొచ్చారు. ఆయన మాటల్లోనే...నటించాలని నాకు నాలుగు నెలలు ముందుగా చెబితే మిగిలిన సంగీత పనులను పూర్తి చేసుకుని నటనకు సమయాన్ని కేటాయించడానికి వీలుంటుంది. ప్రస్తుతానికి నేను నా ప్రాజెక్టులతో బిజీగా ఉన్నాను అన్నారు.
Continue with Google