విజయ్ సేతుపతి - ఎన్టీఆర్ కాంబోపై షాకింగ్ న్యూస్.. ఆ డైరెక్టర్ చేతికి చిక్కితే అరాచకమే..

ఆ సినిమా నుంచే భారీ డిమాండ్

కేవలం హీరోగానే కాకుండా విలన్ రోల్స్ అలాగే సపోర్టింగ్ రోల్స్ కూడా చేస్తూ ఆడియెన్స్ కు మరింత దగ్గరవుతున్నాడు ఈ మల్టిటాలెంటెడ్ యాక్టర్. సైరా సినిమాలో ఒక చిన్న పాత్రలో కనిపించి విజిల్స్ వేయించాడు. ఆ సినిమా నుంచే విజయ్ సేతుపతికి తెలుగులో మరింత డిమాండ్ పెరుగుతూ వస్తోంది.

డేట్స్ అడ్జస్ట్ చేయలేక..

ఆఫర్స్ చాలానే వస్తున్నాయట. కానీ సేతుపతి డేట్స్ అడ్జస్ట్ చేయలేక చాలా సినిమాలు వదులుకోవాల్సి వస్తోంది. అసలు ఈ రోజుల్లో ఆయన డేట్స్ దొరకడమే అదృష్టం. లక్కీగా ఉప్పెన టీమ్ కు సేతుపతి దొరకడం ఆ సినిమాకు బాగా ప్లస్ అయ్యింది. ఆ సినిమాలో సింపుల్ గానే భయంకరమైన విలనిజాన్ని చూపించాడు. ఇక మాస్టర్ లో ఏ రేంజ్ లో పెర్ఫెమెన్స్ ఇచ్చాడో స్పెషల్ గా చెప్పనవసరం లేదు.

ఎన్టీఆర్ సినిమాలో..

ఇక విజయ్ సేతుపతి రానున్న రోజుల్లో మరిన్ని టాలీవుడ్ సినిమాలు చేయనున్నట్లు ఒక క్లారిటీ అయితే వచ్చింది. పుష్ప సినిమాలో డేట్స్ కుదరక డ్రాప్ అయిన విషయం తెలిసిందే. ఇక ఎన్టీఆర్ సినిమాలో మాత్రం విజయ్ సేతుపతి నెగిటివ్ పాత్రలో తప్పకుండా కనిపిస్తాడని రూమర్స్ వస్తున్నాయి. ఈ రూమర్ నిమిషాల్లోనే సోషల్ మీడియాలో వైరల్ గా మారింది.

త్రివిక్రమ్ చేతికి చిక్కితే..

త్రివిక్రమ్ - ఎన్టీఆర్ కాంబినేషన్ లో ఒక సినిమా రాబోతున్న విషయం తెలిసిందే. అయితే ఆ సినిమాలో పవర్ఫుల్ విలన్ గా విజయ్ సేతుపతి కనిపిస్తాడని టాక్ వస్తోంది. త్రివిక్రమ్ లాంటి దర్శకుడి చేతికి ఒక సరైన ఆర్టిస్ట్ దొరికితే ఏ రేంజ్ లో ప్రజెంట్ చేస్తాడో స్పెషల్ గా చెప్పనవసరం లేదు. ఇక సేతుపతిని ఊహాలకందని రేంజ్ లో చూపించడం కాయమని చెప్పవచ్చు. చూడాలి మరి ఈ రూమర్ ఎంతవరకు నిజమవుతుందో..