అఖిల్ అమ్మాయి అనుకోని అలాంటి బట్టలు కొనేసిన నాగార్జున.. బయటకు రాగానే షాక్

మొదటి భార్య..

నాగార్జున వారసులుగా అడుగు పెట్టిన అక్కినేని నాగ చైతన్య మొదటి భార్య కొడుకని అందరికి తెలిసిన విషయమే. మొదట హీరో వెంకటేష్ సోదరి లక్ష్మీ దగ్గుబాటిని వివాహం చేసుకున్న నాగార్జున నాగచైతన్య పుట్టిన అనంతరం విడాకులు తీసుకున్నాడు. అనంతరం మరి కొన్నాళ్లకు శివ సినిమాతో పరిచయమైన అమలను వివాహం చేసుకున్నారు.

అఖిల్, నాగచైతన్య రిలేషన్

అమలను పెళ్లి చేసుకున్న తరువాత అఖిల్ జన్మించిన విషయం తెలిసిందే. ఇక అప్పుడు కూడా నాగచైతన్యను ఇంట్లోనే ఉంచుకొని పెద్ద వారసుడిగానే చూసుకున్నారు. అమల సైతం ఇద్దరు నా కొడుకులే అనే బావనతోనే చూసింది. ఆ విషయాన్ని నాగార్జున చాలా ఇంటర్వ్యూలలో చెప్పారు. అఖిల్ కూడా నాగచైతన్యతో చాలా ఫ్రీగా ఉంటారని కూడా అన్నారు.

అమలను అమెరికాకు పంపిన నాగార్జున

అయితే నాగార్జునకు అమ్మాయి కావాలని చాలా కోరికగా ఉండేదట. అమలకు ఆడపిల్ల పుడుతుందని ఎంతో నమ్మకంతో ఉండేదని అన్నారు. ఇక అప్పట్లో ఆరు నెలల కడుపుతో ఉన్నప్పుడు స్కానింగ్ ద్వారా తెలుసుకోవాలని అనుకోగా అమెరికాకు పంపాల్సి వచ్చింది. ఇండియాలో అలాంటి రూల్స్ ఉండవు కాబట్టి అమెరికాకు పంపితే అక్కడ తెలుసుకోవడమే కాకుండా అమల కూడా కొంచెం బయట ప్రపంచంలో హ్యాపీగా వాకింగ్ కూడా చేసుకోవచ్చని అక్కడికి షిఫ్ట్ చేసినట్లు నాగ్ తెలిపారు.

అమ్మాయి అనుకోని..

కొన్నాళ్ళు నాగార్జున కూడా అమలతోనే ఉన్నారు. ఇక స్కానింగ్ అనంతరం ఆడపిల్ల పుడుతుందని అనగానే నాగార్జున ఎంతగానో హ్యాపీగా ఫీల్ అయినట్లు చెప్పారు. ముందుగానే పాప కోసం ఫ్రాక్స్ తో పాటు మరికొన్ని బట్టలు కూడా కొనేసినట్లు చెబుతూ.. ఆఖరికి ఇండియాకు టికెట్స్ బుక్ చేయడంలో కూడా నిఖిత అనే పేరును నమోదు చేయించినట్లు తెలిపారు.

డెలివరీ అవ్వగానే షాక్

నిఖిత అనే పేరు నాకు చాలా ఇష్టం. అమ్మాయి పుడితే ఆ పేరే పెట్టాలని అనుకున్నాను. అయితే ఒక రోజు అమల నాకు ఫోన్ చేసి ఆశలు పెట్టుకోకండి అబ్బాయి పుడతాడని చెప్పింది. అయినప్పటికీ నమ్మలేదు. కానీ తీరా డెలివరీ అయ్యేసరికి అబ్బాయి అని తెలియగానే షాక్ అయ్యాను.ఏదో పొరపాటు జరగడం వలన స్కానింగ్ లో అలా చెప్పి ఉంటారని అనుకున్నాను.. అంటూ నాగార్జున వివరణ ఇచ్చారు.