నిరుద్యోగికి అండగా నిలిచిన నవీన్ పోలిశెట్టి.. ఒక్క ట్వీట్‌ ఓ జీవితాన్ని మార్చేసింది. నిజంగా జాతిరత్నమే అంటూ!

నవీన్ పొలిశెట్టి దృష్టికి

తాజాగా కరోనావైరస్ పరిస్థితుల కారణంగా యువకులు, మధ్య తరగతి కుటుంబాలపై తీవ్ర ప్రభావం పడింది. ఇటీవల చాలా మంది యువకులు ఉద్యోగాలను కోల్పోయి రోడ్డున పడ్డారు. అలాంటి వారిలో ఒక యువకుడు తన ఉద్యోగం పోయిందంటూ ట్విట్టర్‌లో, సోషల్ మీడియా అకౌంట్లలో ఆవేదన వ్యక్తం చేశాడు. అయితే యువకుడి ఆవేదన నవీన్ పోలిశెట్టి దృష్టికి రావడంతో వెంటనే ట్విట్టర్‌లో స్పందించారు.

నిరుద్యోగికి హెల్ప్ చేయండి అంటూ

నవీన్ పోలిశెట్టి ట్విట్టర్‌లో స్పందిస్తూ.. కరోనా మహమ్మారి కారణంగా ఓ యువకుడు నిరుద్యోగిగా మారాడు. అతడు హోటల్ ఇండస్ట్రీలో పనిచేశాడు. రెస్టారెంట్‌లో షిఫ్ట్ మేనేజర్‌గా, ఇతర ఉద్యోగం కోసం వెతుకుతున్నాడు. హైదరాబాద్‌లోని పబ్‌లో గానీ లేదా రెస్టారెంట్‌లో గానీ ఏదైనా ఉద్యోగం ఉంటే, ఎక్కడైనా ఖాళీలు ఉన్నాయని తెలిస్తే.. యువకుడి నంబర్‌కు ఫోన్ చేయండి అంటూ నవీన్ పోలిశెట్టి ట్వీట్ చేశారు.

నిరుద్యోగికి ఆఫర్ లెటర్ రావడంతో

అయితే నవీన్ పోలిశెట్టి ట్వీట్‌కు స్పందించిన కొందరు ఆ నిరుద్యోగికి సహాయం చేయడంతో ఉద్యోగం లభించింది. ఎవోక్ అనే సంస్థ ఉద్యోగం ఇస్తూ ఆ యువకుడిని ఆదుకొన్నది. తనకు ఆఫర్ లెటర్ రావడంతో యువకుడు ఆనందపడిపోయి నవీన్ పోలిశెట్టికి ధన్యవాదాలు తెలుపుకొన్నారు. మీ వల్లే ఈ ఉద్యోగం లభించిందని ఆఫర్ లెటర్‌ను యువకుడు పోస్టు చేశారు.

నేను చెప్పిన యువకుడికి ఉద్యోగం అంటూ

యువకుడు పోస్ట్ ఆఫర్ లెటర్‌ను తన ట్విట్టర్‌ ఖాతాలో నవీన్ ట్వీట్ చేశారు. ఆ యువకుడికి ఉద్యోగం లభించింది. ఈవోక్ కేఫ్ ఇచ్చిన ఆఫర్ లెటర్ ఇదే. నేను కేఫ్‌కు వెళ్లి ఆ యువకుడిని త్వరలోనే కలుస్తాను. నాకు ఈ రోజు చాలా సంతోషంగా ఉంది. ఇందుకు కారణమైన చరణ్, సౌమ్యకు ధన్యవాదాలు. కరోనా కారణంగా నిరుద్యోగులుగా మారిన వారికి ఉద్యోగాలు ఇప్పించేలా చేద్దాం. అందుకు మీ వంతు సహకారం అందించండి అంటూ నవీన్ పోలిశెట్టి కామెంట్ చేశారు. నవీన్ చూపిన చోరవకు నిజంగా మీరు జాతిరత్నమే అంటూ నెటిజన్లు ప్రశంసిస్తున్నారు.

Recommended Video

Gold Medal Movie Team Exclusive Interview

నవీన్ పొలిశెట్టి కెరీర్ ఇలా...

నవీన్ పొలిశెట్టి వ్యక్తిగత జీవితానికి వస్తే.. హైదరాబాద్‌లో పుట్టి పెరిగాడు. బీటెక్ తర్వాత పూణేలో సాఫ్ట్‌వేర్ కంపెనీలో జాబ్ చేశాడు. ఆ తర్వాత ఇంగ్లాండ్‌కు ఉన్నత విద్య కోసం వెళ్లాడు. ఆ తర్వాత తిరిగి వచ్చి నటుడిగా కెరీర్ ఆరంభించాడు. తొలుత శేఖర్ కమ్ముల దర్శకత్వం వహించిన లైఫ్ ఈజ్ బ్యూటీఫుల్‌లో నటించాడు. ఆ తర్వాత డీ ఫర్ దోపిడి, 1: నేనొక్కడినే, ఏజెంట్ సాయి శ్రీనివాస ఆత్రేయ, జాతి రత్నాలు చిత్రాల్లో నటించాడు. బాలీవుడ్‌లో సుశాంత్ సింగ్ రాజ్‌పుత్ కలసి, చిచ్చోరే‌లో కీలక పాత్రలో కనిపించాడు. జాతి రత్నాలు సినిమా తర్వాత భారీ, క్రేజీ చిత్రాల్లో నటించడానికి రెడీ అవుతున్నాడు.

బాలీవుడ్, దక్షిణాది సినిమాకు సంబంధించిన తాజా వార్తలకు, తారల ఇంటర్యూలకు, ఫోటోగ్యాలరీలు, సినిమా ఈవెంట్లు, వివాదాస్పద అంశాలకు సంంధించిన వార్తా విశ్లేషణలకు ఫేస్‌బుక్, ట్విట్టర్ , ఇన్స్‌టాగ్రామ్ అకౌంట్లను ఫాలో అవ్వండి.