Don't Miss!
- News బాలయ్య ఎన్నికల ప్రచార జోరు: కీలక హామీలు
- Sports CSK vs LSG: వారెవ్వా రాహుల్.. వాటే క్యాచ్!వీడియో
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
టాలీవుడ్ రిచెస్ట్ హీరో బయోపిక్లో రానా.. ఆయనకు అన్ని లక్షల కోట్లు ఎలా వచ్చాయి?
సినిమా ప్రపంచం అనేది డ్రీమ్ లాంటిది. వెండితెరపై బొమ్మ పడకపోతే డొక్కాడని జీవితాలు ఎన్నో ఉన్నాయి. ఇక సినీ తారల జీవితాలు ఎప్పుడు ఎలాంటి మలుపులు తిరుగుతాయో ఎవరు ఊహించలేరు. అందుకే చాలా వరకు అవకాశాలు ఉన్నపుడే నాలుగు రాళ్లు వెనకేసుకోవలనే ఆలోచనతో ఉండాలి. ఈ ఆలోచన అందరికి ఉంటుంది కానీ కొందరు మాత్రమే సంక్రమంగా దాన్ని ఫాలో అవుతుంటారు. ఇక ఒకప్పుడు బాధ డబ్బు సంపాదించిన తెలుగు హీరో బయోపిక్ లో రానా దగ్గుబాటి నటించబోతున్నట్లు తెలుస్తోంది.
స్టార్ హీరోల ఆస్తుల కంటే చాలా ఎక్కువే
ఆ స్టార్ నటుడు మరెవరో కాదు.టాలీవుడ్ సోగ్గాడు శోభన్ బాబు. ఆయన ఆదాయం విషయంలో చాలా జాగ్రత్తలు తీసుకొని ఎన్నో ఆస్తులు వేనకేసుకున్నారు. వాటి విలువ నేటితరం స్టార్ హీరోల ఆస్తుల కంటే చాలా ఎక్కువే ఉంటుంది.సోగ్గాడు అనే పదానికి నిలువెత్తు నిదర్శనం శోభన్ బాబు. అప్పట్లో పోటీగా స్టార్ హీరోలు ఎంత మంది ఉన్నా కూడా కష్టపడి చిన్న చిన్న అవకాశాలతోనే ఫ్యాన్ ఫాలోయింగ్ ని ఏర్పరచుకున్నారు.
బాక్సాఫీస్ వద్ద మినిమమ్ వసూళ్లతో..
ముఖ్యంగా అప్పట్లో మహిళల నుంచి అత్యధిక ఫ్యాన్ ఫాలోయింగ్ ఉన్న వారిలో నటుల్లో శోభన్ బాబు ఒకరు. ఆయన రింగ్ హెయిర్ స్టైల్ ఒక ట్రెండ్ సెట్ అనే చెప్పాలి. ఎలాంటి సినిమా చేసినా బాక్సాఫీస్ వద్ద మినిమమ్ వసూళ్లను అందుకునేవి. ఎక్కువగా మొదటి వారం ఆడవాళ్లే ఆయన సినిమాలు చూడటానికి వచ్చేవారు అంటూ క్రేజ్ ఎలా ఉండేదో అర్థం చేసుకోవచ్చు.
అంత డబ్బు ఎలా వచ్చిందంటే..
ఇక ఈ స్టార్ హీరో తనకు సినిమాలా ద్వారా వచ్చిన ప్రతి రూపాయిని చాలా జాగ్రత్తగా కాపాడుకోవడమే కాకుండా వచ్చిన ఆదాయాన్ని రియల్ ఎస్టేట్ లోనే పెట్టేవారు. చెన్నైలోనే కాకుండా హైదరాబాద్ లో ఆయన భారీ స్థాయిలో భూములను కొనుగోలు చేశారు. అప్పట్లోనే వాటి విలువ వందల కోట్లు ఉండేది ఇక ఆయన చనిపోయే నాటికి 2008లో 80వేల కోట్లకు చేరుకుంది. ఇక ఇప్పుడు వాటి విలువ లక్షల కోట్లు దాటి ఉంటుందని చెప్పవచ్చు.
శోభన్ బాబు బయోపిక్ లో రానా
ఇక చాలా కాలం తరువాత ఆయన బయోపిక్ పై చర్చలు మొదలయ్యాయి. శోభన్ బాబు కథను ఎలాగైనా తెరకెక్కించాలని ఒక సీనియర్ దర్శకుడు నిర్మాత ప్రయత్నాలు చేస్తున్నట్లు రూమర్స్ వస్తున్నాయి. ఇటీవల రానా దగ్గుబాటితో ఇదే విషయంపై మాట్లాడాని తెలుస్తోంది. ఇక రానా కూడా సానుకూలంగా స్పందించి.. పూర్తి కథ సిద్దమైన తరువాత తన నిర్ణయాన్ని చెబుతానని అన్నాడట.
శోభన్ బాబు బిజినెస్ మైండ్..
ఇక శోభన్ బాబు బయోపిక్ లో చిన్నతనం నుంచి ఆయన మరణం వరకు కథను రెడీ చేసేందుకు ప్లాన్స్ జరుగుతున్నాయట. ముఖ్యంగా ఆయన సినిమాల తరువాత బిజినెస్ విషయంలో ఏ విధంగా అడుగులు వేశారు. ముందుగానే ల్యాండ్ బిజినెస్ పైన ఆయన ఎలాంటి అవగాహన పెంచుకున్నాడు. అలాగే ఇప్పుడు అన్ని లక్షల కోట్లు కావడానికి ఎలాంటి దారులు ఏర్పాటు చేశారనే విషయాలను కూడా హైలెట్ చేయనున్నారట.
క్రమశిక్షణకు మరో అర్ధాన్ని ఇచ్చారు
స్టార్ హీరోగా ఎదగడానికి శోభన్ బాబు చాలానే కష్టపడ్డారు. మొదట్లో సీనియర్ హీరోల సినిమాల్లో క్యారెక్టర్ ఆర్టిస్ట్ గా కూడా నటించారు. నటనతో మంచి గుర్తింపు అందుకొని ఆ తరువాత హీరోగా బిజీ అయ్యారు. కృష్ణ, సీనియర్ ఎన్టీఆర్ సినిమాలు సందడి చేస్తున్న సమయంలో శోభన్ బాబు తనదైన శైలిలో హిట్స్ అందుకునేవారు. ఇక శోభన్ బాబు క్రమశిక్షణలో నిబద్దతతో ఉండేవారు. సమయానికి షూటింగ్ కి వచ్చి తన పని తాను సైలెంట్ గా చేసుకుంటూ వెళ్లేవారు.
ఆయన సలహాతో మురళి మోహన్ కూడా..
ఒకప్పుడు జాగ్రత్తగా సంపాదించిన డబ్బును భూమిపై పెట్టుబడి పెట్టిన శోభన్ బాబు తోటి నటీనటులకు కూడా అదే విధంగా సలహా ఇచ్చేవారట. ఆయన సలహాతో మురళి మోహన్ కూడా బాగానే సంపాదించారు. నేటితరం స్టార్ హీరోల ఆస్తుల విలువ శోభన్ బాబు ఆస్తులతో పోలిస్తే వారిది చాలా తక్కువేనట. సౌత్ ఇండస్ట్రీలో శోభన్ బాబే నెంబర్ వన్ ఆస్తిపరుడని కొందరు సినీ ప్రముఖులు కూడా పలు సందర్భాల్లో మాట్లాడారు.