నువ్వు వర్జిన్‌వా.. సల్మాన్ ఖాన్ టార్గెట్ చేస్తూ టైగర్ ష్రాఫ్ షాకింగ్ జవాబు..

క్విక్ హీలో షోలో టైగర్ ష్రాఫ్

లాక్‌డౌన్ తర్వాత క్రేజీ ప్రాజెక్టులతో ప్రేక్షకుల ముందుకు వచ్చిన టైగర్ ష్రాఫ్ తాజాగా సల్మాన్ ఖాన్ సోదరుడు అర్బాజ్ ఖాన్ హోస్ట్‌గా వ్యవహరిస్తున్న క్విక్ హీల్ షోలో పాల్గొన్నారు. అర్బాజ్ ఖాన్ షోలోని మూడో ఎపిసోడ్‌లోకి టైగర్ ష్రాఫ్‌ను ఆహ్వానించారు. ఈ షోకు సంబంధించిన ప్రోమో వీడియో సోషల్ మీడియాలో చక్కర్లు కొడుతున్నది.

బాల్యంలో ఆర్థికంగా కష్టాలు

అర్బాజ్ ఖాన్‌తో ఈ సందర్భంగా తన తండ్రి జాకీ ష్రాఫ్ స్టార్ హీరో అయినప్పటికీ.. టైగర్ ష్రాఫ్ బాల్యం సరిగా సాగలేదు. తండ్రి ఓ సినిమాను నిర్మించి అప్పుల పాలు కావడంతో ఆర్థిక సమస్యలు వెంటాడాయి. ఓ దశలో నేలపై పడుకొన్న రోజులు ఉన్నాయనే విషయాన్ని టైగర్ ఇటీవల పంచుకొన్నారు. బాల్యం, యవ్వనంలో పడిన కష్టాలను పంచుకొంటూ అవన్నీ నన్ను మానసికంగా బలవంతుడిగా చేశాయని టైగర్ ష్రాఫ్ వెల్లడించారు.

హీరో కంటే హీరోయిన్‌గానే..

క్విక్ హీల్‌ షోలో అర్బాజ్ ఖాన్‌తో మాట్లాడుతూ.. కెరీర్ ఆరంభంలో తనను ఎక్కువగా ట్రోల్ చేశారు. అమ్మాయి కంటే సున్నితంగా ఉన్నాడు. హీరో కంటే హీరోయిన్‌గానే కనిపిస్తున్నాడు అంటూ కొందరు కామెంట్స్ చేశారు. అయితే అలాంటి కామెంట్లను తాను పాజిటివ్‌గానే తీసుకొన్నానని, ఇప్పుడు బడా నిర్మాతలందరూ యాక్షన్ హీరో కావాలంటే నావైపే చూస్తున్నారు. ప్రతికూల పరిస్థితులను సానుకూలంగా అధిగమించడమే అందుకు కారణం అని అన్నారు.

ముఖం మీద గడ్డం లేదంటూ

టైగర్ ష్రాఫ్‌ను ఉద్దేశించి అర్బాజ్ ఖాన్ కామెంట్ చేస్తూ.. కండలు పెంచావు. కానీ నీ ముఖం మీద గడ్డం లేదేంటి? అని అడిగితే ముసిముసి నవ్వులు నవ్వుతూ కనిపించారు. గడ్డం గురించి పట్టించుకోవాల్సిన అవసరం లేదు. కానీ నేను ఈ రోజు ఇలా ఉన్నానంటే.. అందుకు కారణం నా అభిమానులే. వారి హృదయాలను గెలుచుకోవడం వల్లే స్టార్ హీరోగా ఉన్నాను అని టైగర్ ష్రాఫ్ అన్నారు.

సల్మాన్ ఖాన్ మాదిరిగానే అంటూ

ఇదిలా ఉండగా.. టైగర్ ష్రాఫ్‌ను అర్బాజ్ ఖాన్ కవ్విస్తూ.. నీవు వర్జిన్‌వేనా (బ్రహ్మచారి) అంటూ ప్రశ్నిస్తే.. దిమ్మ తిరిగే సమాధానం ఇచ్చాడు. నేను సల్మాన్ భాయ్ మాదిరిగానే వర్జిన్ అంటూ కామెంట్ విసిరాడు. దాంతో అర్బాజ్ ఖాన్, టైగర్ ష్రాఫ్ నవ్వుల్లో మునిగిపోయి కనిపించారు. ఇలా సరదాగా ఈ ఎపిసోడ్ సాగినట్టు తెలుస్తున్నది.

హోస్ట్‌గా అర్బాజ్ ఖాన్

ఇక అర్బాజ్ ఖాన్ హోస్ట్‌గా అవతారం ఎత్తి టాప్ స్టార్లను ఇంటర్వ్యూ చేస్తున్నారు. తొలి ఎపిసోడ్‌లో సల్మాన్ ఖాన్‌ను రప్పించగా, రెండో ఎపిసోడ్‌లో ఆయుష్మాన్ ఖురానాను ఇంటర్వ్యూ చేశారు. ఈ షోలోకి ఫరా ఖాన్, అన్యన్య పాండే, ఇంకా పలువురు తారలు రానున్నారు. అయితే ఈ షో ద్వారా హోస్ట్‌గా పూర్తిస్థాయిలో అర్బాజ్ ఖాన్ ఆకట్టుకొంటారా? లేదా అని వేచి చూడాల్సిందే.

Recommended Video

#JrNTRBirthday : అందరం కలిసి వేడుక చేసుకుందాం.. NTR Request To Fans || Filmibeat Telugu

టైగర్ ష్రాఫ్ కెరీర్ ఇలా

హీరోపంతి అనే సినిమాతో టైగర్ ష్రాఫ్ బాలీవుడ్‌లో ఎంట్రీ ఇచ్చారు. ఆ తర్వాత భాఘీ, ఏ ఫ్లయింగ్ సిక్కు, మున్నా మైఖేల్, వెల్‌కమ్ టు న్యూయార్క్, భాఘీ2, స్టూడెంట్ ఆఫ్ ది ఇయర్ 2, వార్, భాఘీ3, హీరోపంతి2 చిత్రాల్లో నటించారు. వార్ చిత్రంతో వంద కోట్ల క్లబ్‌లో చేరారు. ప్రస్తుతం భారీ యాక్షన్ ప్రాజెక్టులతో సిద్ధమవుతున్నారు.

బాలీవుడ్, దక్షిణాది సినిమాకు సంబంధించిన తాజా వార్తలకు, తారల ఇంటర్యూలకు, ఫోటోగ్యాలరీలు, సినిమా ఈవెంట్లు, వివాదాస్పద అంశాలకు సంంధించిన వార్తా విశ్లేషణలకు ఫేస్‌బుక్, ట్విట్టర్ , ఇన్స్‌టాగ్రామ్ అకౌంట్లను ఫాలో అవ్వండి.