పండంటి బిడ్డకు జన్మనిచ్చిన నాగార్జున హీరోయిన్.. లైఫ్‌కు ముప్పు మారిన సమయంలో అంటూ...

దియా మిర్జా తొలి మ్యారేజ్ బ్రేకప్

బాలీవుడ్‌లో అందాల భామగా మన్ననలను అందుకొన్న హైదరాబాదీ దియా మిర్జా మొదటి వివాహం నిర్మాత సాహిల్ సంఘాతో జరిగింది. అయితే సుధీర్ఘంగా సాగిన వారి వివాహం జీవితంలో కలతలు చోటు చేసుకోవడంతో విడిపోవాలని నిర్ణయించుకొన్నారు. దాంతో సాహిల్, దియా మిర్జా 11 ఏళ్ల వైవాహిక జీవితానికి 2019లో తెరపడింది.

ముంబై వ్యాపారవేత్తతో రెండో వివాహం

ఆ తర్వాత వ్యాపారవేత్త వైభవ్ రేఖితో దియా మిర్జా అఫైర్ పెట్టుకొన్నారు. అనంతరం వారిద్దరూ ఫిబ్రవరి 15వ తేదీన వివాహం చేసుకొన్నారు. వివాహం తర్వాత కొద్ది రోజులకే ఆమె తాను గర్బవతిని అంటూ సోషల్ మీడియా ద్వారా వెల్లడించారు. దాంతో ఆమెకు అభిమానులు శుభాక్షాంక్షలు తెలియచేస్తూ అభినందించారు.

దియా మిర్జాకు తొలి సంతానం

తాజాగా మే 14వ తేదీన తమకు కుమారుడు పుట్టారనే వార్తను ఇన్స్‌టాగ్రామ్ ద్వారా వెల్లడించారు. తమ కుమారుడి చేతిని పట్టుకొన్న ఫోటోను షేర్ చేశారు. చిన్నారి ముఖం చూపించకుండా సీక్రెట్‌గా ఉంచారు. దియా మిర్జా దంపతులు తమ కుమారుడికి ఆవ్యయాన్ ఆజాద్ రేఖీ అని నామకరణం చేశారు. నవజాత శిశువుకు సంబంధించిన ఐసీయూలో వైద్యులు, నర్సుల సంరక్షణలో స్వేచ్ఛగా ఆజాద్ జన్మించాడు అని తన పోస్టులో పేర్కొన్నారు.

ఇన్స్‌టాగ్రామ్‌లో దియా మిర్జా ఎమోషనల్‌గా

ప్రముఖ రచయిత ఎలిజబెత్ స్టోన్ రాసిన కొటేషన్‌ను.. సంతానం కలుగాలనే కోరిక హృదయం నుంచి పుట్టాలి. ఆ పిల్లాడి చేయి పట్టుకొని తిరిగితే ఆ అనుభూతి గొప్పగా ఉంటుంది అని దియ మీర్జా ఉదహరించారు. పైన చెప్పిన కొటేషన్ నా భర్త మనసుకు దగ్గరగా ఉంటుంది. చిన్నారి జననం ఓ మిరాకిల్. చాలా తొందరగా స్వేచ్ఛగా ఈ భూమిపైకి వచ్చారు అంటూ దియా మిర్జా తన పోస్టులో పేర్కొన్నారు.

సకాలంలో వైద్యుల జాగ్రత్తతో

నేను గర్భం దాల్చిన సమయంలో ఉదర సంబంధిత సమస్యలు ఏర్పడ్డాయి. కడుపులో బాక్టీరియా ఇన్‌ఫెక్షన్ పెరిగిపోవడంతో పరిస్థితి విషమంగా మారింది. ఆ సమస్య నా ప్రాణాలకు ముప్పుగా మారింది. సకాలంలో డాక్టర్లు తగిన జాగ్రత్తలు తీసుకోవడంతో సీ సెక్షన్ ద్వారా అత్యవసరంగా చిన్నారికి జన్మనిచ్చేందుకు చర్యలు తీసుకొన్నారు అని తన పోస్టులో దియా మిర్జా వెల్లడించారు.

Recommended Video

Akkineni Nagarjuna Exclusive Interview | Wild Dog

దియా మిర్జా సినీ కెరీర్

దియా మిర్జా కెరీర్ విషయానికి వస్తే.. బాలీవుడ్‌లో రెహ్నా హై తెరే దిల్ మే చిత్రంతో గుర్తింపు పొందిన ఆమె.. సంజు, తప్పడ్ లాంటి చిత్రాల్లో విభిన్నమైన పాత్రలను పోషించింది. తాజాగా తెలుగులో నాగార్జున నటించిన వైల్డ్ డాగ్ చిత్రంలో అతిథి పాత్రలో మెరిసింది.