సమంతపై అలా ఎగబడడంతో.. బాడీగార్డ్‌లా మారిన బాలీవుడ్ హీరో.. భయపెట్టకండి అంటూ

స్పెషల్ సాంగ్ తో..

సమంత నాగచైతన్య నుంచి విడాకులు తీసుకున్న తరువాత తన సినిమా కెరీర్ విషయంలో చాలా కొత్తగా ఆలోచిస్తుంది. తన ఉనికిని ఇతర ఇండస్ట్రీలో కూడా చాటుకునేందుకు మంచి అవకాశాలు కోసం ప్రయత్నం చేస్తోంది సుకుమార్ అల్లు అర్జున్ కాంబినేషన్ లో వచ్చిన పుష్ప సినిమాలో ఆమె చేసిన ఐటమ్ సాంగ్ అన్ని భాషల్లోనూ మంచి క్రేజ్ అయితే అందుకుంది.

సమంత ఫుల్ హ్యాపీ

పుష్ప సినిమాలో స్పెషల్ సాంగ్ తో తన స్థాయి మరింత పెరిగింది అని దేశవ్యాప్తంగా గుర్తింపు రావడం మంచి ఆనందాన్ని ఇచ్చింది అని కూడా సమంత ఇటీవల ముంబైలో ఒక ఈవెంట్ లో వివరణ ఇచ్చింది. అంతేకాకుండా ఆ పాటతోనే జనాలు ఇంతకుముందు చేసిన సినిమాలన్నీ మరిచిపోయే విధంగా మాట్లాడుతున్నారు అని ఎక్కువగా ఆ పాటను గుర్తు చేసుకుంటున్నారు అని కూడా ఆమె సంతోషంగా తెలియజేసింది.

బాలీవుడ్ ప్రాజెక్ట్

అయితే సమంత ఇటీవల అమెజాన్ ప్రైమ్ నిర్మించబోయే యాక్షన్ ఫిలిం కోసం ముంబై వెళ్ళింది. ఆ సినిమాకు సంబంధించిన పూర్తి స్క్రిప్టు పనులు కూడా సిద్ధమయ్యాయి. ద ఫ్యామిలీ మెన్ దర్శకులు రాజ్ అండ్ డీకే తెరకెక్కించబోయే ఆ సినిమాలో వరుణ్ ధావన్ హీరోగా సమంతా హీరోయిన్ గా నటించబోతోంది. ఈ సినిమాకు సంబంధించిన ప్రీ ప్రొడక్షన్ పనులు కూడా దాదాపు ఫినిష్ అయినట్లుగా తెలుస్తోంది.

ఎగబడిన మీడియా

అయితే ఇటీవల సమంత ముంబైకి వెళ్లి అక్కడ చిత్ర యూనిట్ సభ్యులను ప్రత్యేకంగా కలుసుకుంది. ఈ క్రమంలో ఆమెను ఫోటోలు తీసేందుకు అక్కడే కెమెరామెన్స్ ఒక్కసారిగా ఎగబడ్డారు. అంతేకాకుండా ఆమెను పలు రకాల ప్రశ్నలు అడిగేందుకు కూడా ప్రయత్నం చేశారు. అందరూ ఒకేసారి వచ్చేసరికి సమంత ఏమీ మాట్లాడకుండా కాస్త తడబడుతూ స్మైల్ అయితే ఇచ్చేసింది.

Recommended Video

The Legends We Lost In 2021.. చిరస్మరణీయులు | Filmibeat Telugu

ప్రొటెక్ట్ చేసిన హీరో

ఇక ఆమె పరిస్థితిని ముందుగానే అర్థం చేసుకున్న వరుణ్ ధావన్ ఆమెను ప్రొటెక్ట్ చేసే విధంగా ప్రయత్నం చేశాడు. ఆమెను అలా బయట పెట్టకండి అంటూ కాస్త నెమ్మదిగానే వారికే సున్నితంగా అర్థమయ్యేలా చెప్పుకొచ్చాడు. అంతే కాకుండా ఆమెను కారు వరకు ఒక బాడీగార్డు తరహాలో కాపాడుతూ తీసుకు వెళ్ళాడు. ఇక వరుణ్ ధావన్ ఆ విధంగా సమంతకు సహాయం చేయడంతో ఆ వీడియో సోషల్ మీడియాలో వైరల్ గా మారిపోయింది