అనసూయకు బిగ్ షాక్: చిరంజీవి అలా డిసైడ్ చేయడంతో యాంకరమ్మకు మొండిచేయి.!

అనసూయ అంటే ఇవే గుర్తుకొస్తాయి

చాలా ఏళ్ల క్రితం వచ్చిన జూనియర్ ఎన్టీఆర్ చిత్రం ‘నాగ' ద్వారా అనసూయ టాలీవుడ్‌లోకి ఎంట్రీ ఇచ్చింది. ఆ తర్వాత పలు సినిమాల్లో చిన్న చిన్న రోల్స్ చేసింది. క్రేజ్ వచ్చిన తర్వాత చేసిన ‘క్షణం', ‘సోగ్గాడే చిన్ని నాయన', ‘రంగస్థలం', ‘యాత్ర' చిత్రాలకు మంచి పేరు వచ్చింది. వీటిలో రంగమ్మత్త పాత్రకు మాత్రం ఊహించని స్థాయిలో రెస్పాన్స్ వచ్చింది.

ఆమె క్రేజ్‌కు ఇది కూడా కారణమే

స్టార్ యాంకర్ అనసూయ ఎంతో మంది అభిమానులను సొంతం చేసుకోవడం వెనుక సోషల్ మీడియా పాత్ర కూడా ఉంది. అక్కడ ఎప్పుడూ యాక్టివ్‌గా ఉండే ఆమె.. తరచూ తన వ్యక్తిగత జీవితానికి సంబంధించిన విషయాలతో పాటు కెరీర్ విశేషాలను పంచుకుంటోంది. అదే సమయంలో తన ఫొటోలను షేర్ చేస్తోంది. దీంతో అనసూయ ఫాలోవర్లు క్రమంగా పెరుగుతున్నారు.

సీనియర్ డైరెక్టర్ సినిమాలో స్పైసీ రోల్

గత ఏడాది అనసూయ ‘కథనం' అనే సినిమా ద్వారా ప్రేక్షకుల ముందుకు వచ్చింది. ఈ సినిమా బాక్సాఫీస్ వద్ద బోల్తా పడింది. ఇక, ఈ ఏడాది ఆమె ఒప్పుకున్న మొదటి చిత్రం ‘రంగమార్తాండ'. క్రియేటివ్ డైరెక్టర్ కృష్ణ వంశీ తెరకెక్కిస్తున్న ఈ మూవీలో ఆమె స్పైసీ రోల్ చేస్తుందని ఆయనే స్వయంగా ప్రకటించారు. ఇందులో రమ్యకృష్ణ, ప్రకాశ్ రాజ్ కీలక పాత్రలు చేస్తున్నారు.

మెగాస్టార్ సినిమాలో కీలక పాత్ర

ఇక, మెగాస్టార్ చిరంజీవి - కొరటాల శివ కాంబినేషన్‌లో రాబోతున్న సినిమాలో అనసూయ కీలక పాత్ర చేయబోతుందని ఆ మధ్య ప్రచారం జరిగిన విషయం తెలిసిందే. అంతేకాదు, ఆమె పాత్ర సినిమాను మలుపు తిప్పేదిగా ఉంటుందని కూడా వార్తలు వచ్చాయి. అలాగే, ఇప్పటికే కొరటాల శివ.. అనసూయకు కథను కూడా వినిపించాడనే టాక్ వినిపించింది.

చిరు నిర్ణయంతో అనసూయకు షాక్

తాజాగా ఈ అంశం గురించి ఓ షాకింగ్ న్యూస్ ఫిలిం నగర్ ఏరియాలో చక్కర్లు కొడుతోంది. ఇందులో అనసూయను నటింపజేయాలనుకున్న పాత్రను పొడిగించాలని చిరంజీవి.. కొరటాలకు చెప్పారనేదే ఆ వార్త సారాంశం. అంతేకాదు, ఈ పాత్రకు మంచి పేరున్న సీనియర్ నటిని తీసుకోవాలని కూడా సూచించారని అంటున్నారు. ఇదే నిజమైతే అనసూయకు షాక్ తగిలినట్లే.!