హోమ్

హీరోయిన్

మళయాళీ భామ మాళవికా మోహనన్ పేరు ఇప్పటికే టాలీవుడ్ వర్గాల్లోనూ బాగానే చక్కర్లు కొడుతోంది. బియాండ్ క్లౌడ్స్ అనే అంతర్జాతీయ సినిమాలో దీపికా పదుకోనేను రీప్లేస్ చేసి వార్తలకు ఎక్కిన ఈ కేరళకుట్టి, ఇప్పుడు స్టార్ హీరోలతో జోడీకట్టేందుకు సిద్ధమవుతోంది. ఇటీవలే కోలీవుడ్ బిగ్ ప్రాజెక్ట్ ను పట్టేసిన మాళవిక, సోషల్ మీడియా ట్రాలింగ్ కు మాత్రం అసలు తలొగ్గేది లేదంటోంది.

కోలీవుడ్ ఇళయదళపతి విజయ్ తదుపరి చిత్రం మాస్టర్ లో హీరోయిన్ గా నటిస్తున్న మాళవిక, ప్రస్తుతం ఘాటు ఫొటోషూట్ లతోనూ, ట్రండింగ్ ఛాలెంజ్ లతో సోషల్ మీడియాలో యాక్టివ్ గా గడిపేస్తోంది. షూటింగ్ లు లేకపోవడంతో దొరికిన టైమ్ ను చక్కగా వినియోగించుకుంటోన్న మాళవిక కూడా ట్రాలింగ్ బారిన పడింది. కానీ, అందరి లాగా అమ్మడు ఈ అంశంపై మిన్నకుండిపోలేదు. తనపై వస్తున్న ట్రాలింగ్స్ చెక్ పెట్టేందుకు స్వయంగా తానే రంగంలోకి దిగింది.

ముక్కుముఖం తెలియని ఇంపోస్టర్ల ట్రాల్స్ కు గట్టి సమాధానమే ఇస్తోంది మాళవిక. అసలు ఈమె ఇప్పటివరకూ పెద్ద సినిమాల్లోనే నటించలేదు. ఆమెకెందుకు అంత హైప్ అంటూ ట్రాల్ చేయబోయినవారికి, పెద్ద సినిమాల్లో నటించలేదు కాబట్టే, ఇంత క్రేజ్ ఉంది అంటూ చక్కని సమాధానమే ఇచ్చింది.

ఇక అమ్మడి ఇన్స్టా అకౌంట్ నిండా ఇలాంటి సమాధానాలు చాలానే ఉన్నాయి. ఏమైనా తన ఆత్మవిశ్వాసాన్ని దెబ్బతీసేందు ప్రయత్నించే వారికి అమ్మడి గట్టిగానే ఇస్తోంది. కాబట్టి, ఇండస్ట్రీలో నిలదొక్కుకోవడం అమ్మడికి పెద్ద కష్టమేమీ కాదు సుమీ.