డేటింగ్‌పై ఓపెన్ అయిన రష్మిక మందన్నా: దానికి వయసుతో పని లేదు.. అతడిని ప్రేమిస్తే తప్పేంటి అంటూ!

అలా మొదలైన రష్మిక ప్రయాణం

'కిర్రాక్ పార్టీ' అనే కన్నడ చిత్రంతో రష్మిక మందన్నా హీరోయిన్‌గా పరిచయం అయింది. అందులో అద్భుతమైన నటనతో పాటు గ్లామర్‌తో ఆకట్టుకుని అందరి దృష్టినీ ఆకర్షించిందామె. దీంతో అదే భాషలో రష్మికకు ఆఫర్లు వెల్లువెత్తాయి. ఈ క్రమంలోనే 'అంజనీ పుత్ర', 'చమ్మక్' వంటి చిత్రాల్లోనూ నటించింది. ఈ క్రమంలోనే 'ఛలో' అనే మూవీతో తెలుగులోకి వచ్చింది.

టాలీవుడ్‌లో హవా... వరుస ఆఫర్లు

కన్నడ బ్యూటీనే అయినా రష్మిక మందన్నా తెలుగులోనే ఎక్కువ సినిమాలు చేయడంతో పాటు భారీ విజయాలను అందుకుంది. 'ఛలో' నుంచి వరుసగా 'గీత గోవిందం', 'సరిలేరు నీకెవ్వరు', 'భీష్మ' వంటి విజయాలను తన ఖాతాలో వేసుకుంది. దీంతో తెలుగులో లక్కీ హీరోయిన్ అని పేరును సైతం తెచ్చుకుంది. తద్వారా మరిన్ని ఆఫర్లను సొంతం చేసుకుంటోంది.

దేశ వ్యాప్తంగా గుర్తింపు అందుకుని

తన కెరీర్‌లో రష్మిక చేసింది చాలా తక్కువ సినిమాలే. కానీ, ఆమె పేరు దేశ వ్యాప్తంగా మారుమ్రోగిపోతోంది. దీనికి కారణం 2020 సంవత్సరానికి గానూ 'నేషనల్ క్రష్ ఆఫ్ ఇండియా'గా ఎంపిక కావడమే. గతంలో ఆమె కన్నడ హీరో రక్షిత్ శెట్టితో ఎంగేజ్‌మెంట్ చేసుకుని క్యాన్సిల్ చేసుకుంది. ఆ తర్వాత ఓ టాలీవుడ్ హీరోతో ప్రేమలో ఉన్నట్లు వార్తలు రావడంతో ఆమె పేరొందింది.

అన్నింట్లోనూ ఉంటూ ఫుల్ బిజీగా

ప్రస్తుతం రష్మిక మందన్నా తెలుగులో అల్లు అర్జున్ 'పుష్ప'లో హీరోయిన్‌గా చేస్తోంది. అలాగే, శర్వానంద్ 'ఆడవాళ్లు మీకు జోహార్లు' అనే చిత్రంలో నటిస్తోంది. వీటితో పాటు 'మిష‌న్ మ‌జ్ను' చిత్రంతో బాలీవుడ్‌లోకి సైతం అడుగెడుతోంది. అలాగే, అమితాబ్ బచ్చన్‌తో కలిసి 'గుడ్‌బై' అనే సినిమాలోనూ నటిస్తోంది. వీటితో పాటు తమిళం, కన్నడ భాషల్లోనూ నటిస్తూ సాగుతోంది.

అక్కడ మాత్రం రచ్చ చేస్తోందిగా

సినిమాల పరంగా ఎంత బిజీగా ఉన్నప్పటికీ.. రష్మిక మందన్నా సోషల్ మీడియాలో ఫుల్ యాక్టివ్‌గా ఉంటోంది. ఇందులో భాగంగానే తరచూ ఏదో ఒక పోస్టు చేసి హైలైట్ అవుతోంది. ఎక్కువగా తన పర్సనల్ అండ్ ప్రొఫెషనల్ లైఫ్‌కు సంబంధించిన విషయాలు విశేషాలను ఫ్యాన్స్‌తో పంచుకుంటూ ఉంటోంది. అలాగే, గ్లామర్ ట్రీట్ ఇస్తూ రచ్చ చేస్తోంది. దీంతో వార్తల్లో నిలుస్తోంది.

డేటింగ్‌పై ఓపెన్ అయిన రష్మిక

రష్మిక మందన్నా బాలీవుడ్ ఎంట్రీ ఇస్తోన్న 'మిషన్ మజ్ను' అనే సినిమా ప్రమోషన్‌ కార్యక్రమాలు శరవేగంగా సాగుతున్నాయి. ఈ నేపథ్యంలో తాజాగా ఈ బ్యూటీ ఓ ఇంటర్వ్యూలో పాల్గొంది. ఇందులో భాగంగా మీడియా ప్రతినిధులు అడిగిన ఎన్నో ప్రశ్నలకు సమాధానాలు చెప్పింది. అలాగే పర్సనల్ మేటర్ అయిన డేటింగ్ గురించి కూడా ఓపెన్ అయిందీ కన్నడ హీరోయిన్.

అతడిని ప్రేమిస్తే తప్పేంటి అని

సరదాగా సాగిన ఈ ఇంటర్వ్యూలో 'మీ కంటే చిన్న వాడితో డేటింగ్ చేస్తారా' అని ఒకరు రష్మికను ప్రశ్నించారు. దీనికామె 'ప్రేమకు వయస్సుతో సంబంధం ఏముంది? కాకపోతే వాళ్లు మిమ్మల్ని, మీ అభిప్రాయాలను మార్చడానికి ప్రయత్నాలు చేయకూడదు. అలా అయితేనే వయసు అన్నది డేటింగ్‌కు సమస్యగా మారకుండా ఉంటుంది' అంటూ వివరణ ఇచ్చింది.