కేక పెట్టించే అఫీషియల్ న్యూస్ :‘అవతార్‌’ సీక్వెల్ రిలీజ్ డేట్ ప్రకటన

సీక్వెల్ రిలీజ్ డేట్,నిరాశ

దర్శకుడు కామెరెన్ ఈ చిత్రం సెకండ్ ఇనిస్టాలమెంట్ 2018 క్రిసమస్ కు వస్తుందని ప్రామిస్ చేస్తున్నారు. అంతా 2017లో ఈ చిత్రం వస్తుందని భావించారు. అయితే ఇంకా సంవత్సరం లేటు కావటం ఆయన అభిమానులను నిరాశపరిచే అంశమే. అయితే టెక్నికల్ గా ఈ సినిమాకు ఎక్కువ సమయం తీసుకుంటుందని తెలుసు కాబట్టి ,కూల్ అవ్వమంటున్నారు నిర్మాతలు

టైమ్ మిస్సైనా,టైమింగ్ మిస్ కాము

తను తీయబోయే అవతార్ సీక్వెల్స్ అన్ని క్రిసమస్ లను టార్గెట్ చేసుకునే వస్తాయని ఆయన చెప్తున్నారు. ఈ మేరకు ఆయన తను ఏర్పాట్లులలో తాను ఉన్నానని అంటున్నారు. ఫెరఫెక్ట్ ప్లానింగ్ తాము వేసుకున్నా ఒక్కోసారి సాంకేతికంగా వచ్చే సమస్యలను అధిగమించటం కష్టం కాబట్టి , కొంచెం అటూ లో తాము వస్తామని, అయితే రావటం మాత్రం పక్కా అని తేల్చేరు.

సముద్రాన్వేషి

సముద్ర అన్వేషణ అంటే కామెరూన్‌కు ఇష్టం. సముద్రాల్లోనే అత్యంత లోతు ప్రాంతమైన మరియానా ట్రెంచ్‌కు వెళ్లొచ్చారు. అక్కడికి వెళ్లిన మూడో వ్యక్తి, ఒంటరిగా వెళ్లిన తొలి వ్యక్తి కామెరూన్. త్రీడీ ఫ్యూజన్ కెమెరా, నీటిలోపల చిత్రీకరణకు ఉపయోగించే సాంకేతిక పరిజ్ఞానం, రిమోట్ వెహికల్ టెక్నాలజీ ఆవిష్కరణల్లో పాలుపంచుకున్నారు కామెరూన్. అవతార్ సీక్వెల్ లోనూ సముద్రంలో షూటింగ్ కు ప్లాన్ చేస్తున్నారు.

స్పీడుగా షూటింగ్

హాలీవుడ్‌లో 'టైటానిక్' వంటి అద్భుతమైన ప్రేమకథను తెరకెక్కించిన దర్శకుడు జేమ్స్ కామరాన్ తెరకెక్కించిన మరో అద్భుతం 'అవతార్'. ఈ సూపర్‌హిట్ సైన్స్ ఫిక్షన్‌కు త్వరలో రెండు సీక్వెల్స్‌కు సన్నాహాలు చేస్తున్నారు. 'అవతార్' సినిమాకు రెండు, మూడు భాగాల స్క్రిప్ట్‌ను తాను తయారుచేస్తున్నానని, రెండు భాగాల షూటింగ్‌ను ఒకేసారి వచ్చే ఏడాది చివరలో ప్రారంభిస్తామని దర్శకుడు జేమ్స్ కామరన్ ప్రకటించారు.

నిజమే..నాలుగు సినిమాలు వరసగా

అంతేకాదు తన కెరీర్‌లో కేవలం అవతార్ సినిమాలు మాత్రమే తీస్తానని, అవతార్ నాలుగోభాగం కూడా తీసే అవకాశముందంటున్నాడు కామరాన్. ఫిక్షన్ కథతో రూపొందిన అవతార్ సరిగ్గా ఏడేళ్ల క్రితం ప్రేక్షకుల ముందుకు వచ్చింది. 3-డి పరిజ్ఞానంతో రూపొందిన ఈ సినిమా ప్రపంచవ్యాప్తంగా సంచలన విజయం సాధించింది.

అంతా ఆశ్చర్యమే

పండోరా గ్రహ నేపథ్యంలో సైన్స్-ఫిక్షన్ తరహా కథతో కళ్లు చెదిరే సాంకేతిక హంగులతో అవతార్ ని అద్భుతంగా తెరకెక్కించారు. తాజాగా ఈ సినిమాకు కొనసాగింపు సినిమాల్ని తీయబోతున్న కామెరాన్.. ఈ సినిమా సీక్వెల్‌లో పండోర ద్వీపంలోని సముద్ర జలాల అందాలను కూడా అద్భుతంగా తెరపై ఆవిష్కరించే ప్రయత్నంలో ఉన్నారు.

అప్పటికంటే అద్బుతం

తొలి అవతార్ కంటే మరిన్ని అద్భుతమైన ఎఫెక్ట్‌లతో ఈ సినిమాను తెరకెక్కించే ప్లాన్‌లో ఉన్నారు. అవతార్ సినిమాలో చివరి వరకు ఏయే క్యారెక్టర్స్ బతికి ఉన్నాయో అవే క్యారెక్టర్స్ తిరిగి అవతార్ సీక్వెల్స్‌లో కూడా ప్రధాన పాత్ర పోషిస్తాయని చెబుతున్నారు. ప్రస్తుతం సినిమాకి సంబంధించినటువంటి పోస్ట్ ప్రోడక్షన్ కార్యక్రమాలు జరుగుతున్నాయి. 2018 సంవత్సరంలో ఈ సీక్వెల్స్ ను ప్రేక్షకుల ముందుకు తెచ్చేందుకు సన్నాహాలు చేస్తున్నారు.

ఒకే సారి అన్ని సినిమాలు షూటింగ్ లు

మొత్తానికి అవతార్ సీక్వెల్స్ రెడీ అవుతుండటంతో సినీ అభిమానులు ఆ సినిమాల కోసం ఆసక్తిగా ఎదురుచూస్తున్నారు. ఏకకాలంలో నిర్మాణం: సీక్వెల్ 2, 3, 4 చిత్రాలను ఏకకాలంలో రూపొందించనున్నారు. ఆస్క్ మీ ఎనీథింగ్ అనే కార్యక్రమంలో పాల్గొన్న కామరూన్ ఈ విషయం చెప్పారు. మరికొద్ది నెలల్లోనే ఈ సీక్వెల్స్‌కి సంబంధించిన పనులు పూర్తవుతాయని పేర్కొన్నారు.

తప్పదు భరించాల్సిందే

కొత్త సినిమా అయినా, సీక్వెల్ అయినా.. ఏదైనా ఒత్తిడికి గురి చేస్తుందని, తన కెరీర్ మొత్తం ఈ ఒత్తిడ్ని అనుభవిస్తూ వస్తున్నానని, ఇప్పుడూ అదే స్థితిలో ఉన్నానని కామరూన్ తెలిపారు. ప్రస్తుతం ఈ సీక్వెల్స్ కోసం భారీ సెట్స్ వేయిస్తున్నామని, అలాగే, గ్రాఫిక్స్‌లో పలు కేరక్టర్లను సృష్టిస్తున్నామని చెప్పారు.

మూడేళ్లపాటు కంటిన్యూగా

వరుసగా మూడేళ్ల పాటు సినీ ప్రియులకు మంచి అనుభూతినివ్వడం కోసం ఆయన సన్నాహాలు చేస్తున్నారు. ప్రేక్షకులను మరో ప్రపంచంలోకి తీసుకెళ్లిన అవతార్‌కి మూడు సీక్వెల్స్ రూపొందించనున్నారాయన. 2018లో ఒకటి, 2019లో మరొకటి, 2020లో మరో సీక్వెల్‌ను విడుదల చేయాలనుకుంటున్నారు. డిసెంబర్ నెలలోనే ఈ చిత్రాలు విడుదలవుతాయి.

న్యూజిలాండ్ లో

కాగా, ఈ మూడు చిత్రాలను న్యూజిలాండ్‌లోనే తీయాలనుకుం టున్నారు. ఎందుకంటే, తొలి భాగాన్ని న్యూజిలాండ్‌లో చిత్రీకరించినప్పుడు కామరూన్‌కి మంచి అనుభూతి లభించిందట. అందుకని, మూడు సీక్వెల్స్‌ని అక్కడే షూట్ చేయడానికి ప్లాన్ చేసుకున్నారు. ఈ ప్రతిష్టాత్మక చిత్రాల షూటింగ్ తమ దేశంలో జరగడం గౌరవ ప్రదంగా భావిస్తున్న న్యూజిలాండ్ ప్రభుత్వం వీలైనన్ని సౌకర్యాలు సమకూర్చాలనుకుంటోంది. అలాగే, లొకేషన్స్‌ని కూడా తక్కువ ధరకే ఇవ్వనున్నారట.